تاۋەلسىزدىك مەرەكەسىنە وراي اتىراۋ وبلىسىنىڭ ماقات اۋدا­نىندا ساياباق اشىلدى

ەلبا­سىنىڭ «بولاشاققا باعدار: رۋحاني جاڭعىرۋ» باعدارلامالىق ماقا­لاسى اياسىندا جەرگىلىكتى مۇناي كومپانياسى دوسسور كەن­تىنە دەمالىس ورىنىن سىيعا تارت­تى. جوبا قۇنى – 72 ملن تەڭ­گە. كومپانيا وكىلى راشيد وتا­روۆ: «دوسسور كەنتى ەلىمىزدەگى مۇناي سالاسى تاريحىنىڭ باس­تاۋى بولعاندىقتان, ءبىز يگى ىس­تەن شەت قالمادىق. جەرگىلىكتى تۇر­عىندار دەمالاتىن ورىن بولما­عان­دىقتان, وسىنداي ساياباق سا­لىپ, بارلىق ەرەجەلەرگە ساي ابات­تاندىرۋدى ءجون كوردىك»,  دەيدى.

قازىر ايماقتا «رۋحاني جاڭ­­عىرۋ» باعدارلاماسى اياسىن­دا 108 جوبا جۇزەگە اسۋدا. بۇعان قو­سىمشا جوبالار مەن ءىس-شارالار دا بار. ونىڭ ىشىندە قۇنى 4 ملرد 360 ملن تەڭگە بولاتىن 18 جوبانى جەرگىلىكتى دەمەۋشىلەر قارجىلاندىرعان. 

تاۋەلسىزدىك كۇنى وبلىس ورتا­لىعىندا, سونداي-اق بارلىق اۋدان­دار مەن اۋىلداردا اتالىپ ءوتتى. اتىراۋ قالاسى ماڭىنداعى گەو­لوگ پوسەلكەسىندە 165 ورىن­دىق «نۇرالەم» بوبەكجاي-بالا­باقشاسى, قايىرشاقتى اۋىل­دىق وكرۋگى تومارلى ەلدى مەكەنىندە جا­ڭا جەڭىل اتلەتيكالىق جانە فۋتبول ستاديونى پايدالانۋعا بەرىلدى. 

باقىتگۇل باباش, «ەگەمەن قازاقستان»

اتىراۋ