تۇراقتىلىق تۋى استىنداعى تاتۋلىق

سەسسيادا وبلىستىق قازاقستان حالقى اسسامبلەياسىنىڭ تاراپىنان اتقارىلعان قىزمەتتەردىڭ با­عىت­تارى قارالدى.

بيىلعى القالى جيىن ەڭ قا­سيەت­تى قۇندىلىعىمىز – تاۋەل­سىز­دىكتىڭ 26 جىلدىعى قارساڭىندا وتكەنىنىڭ ءوزى شارا ماڭىزىن ارتتىرىپ تۇردى. ايتۋلى ءىس-شارانى كەڭەس تور­اعا­سى ەرقارا ايماعامبەتوۆ اشتى.

– قازاقستان حالقى اسسام­بلەيا­سىنىڭ نۇرسۇلتان نازارباەۆ ۇسىنعان قوعامدىق كەلىسىم مەن جالپىۇلتتىق بىرلىكتىڭ قازاق­ستاندىق مودەلىنىڭ يادروسى رە­تىن­دە ءرولى مەن مارتەبەسىنىڭ كونس­­­­تيتۋتسيالىق جانە زاڭ­نا­ما­­لىق دەڭگەيدە ارتۋى ۇلت­تىق سايا­­ساتتىڭ باستى باعىت­تارى مەن­ قۇندىلىقتارى بو­يىن­­شا­ قو­عامدىق كەلىسىمدى قالىپ­تاستى­رۋ­عا مۇمكىندىك بەردى, – دەپ اتاپ ءوت­تى ول.

سەسسيادا «قازاقستان حال­قى اسسامبلەياسى تۋرالى ەرەجە­نىڭ» نەگىزىندە ەتنومادەني بىرلەس­تىكتەردىڭ اتىنان وبلىستىق اس­سام­بلەيا توراعاسىنىڭ ورىنباسارى بولىپ قازاقستان حالقى اسسام­بلەياسى كەڭەسىنىڭ مۇشەسى, وبلىستىق «پولونيا» ەتنومادەني بىرلەستىگىنىڭ توراعاسى ۆيتالي البەرتوۆيچ حمەلەۆسكي تاعا­يىن­دالدى.

جيىندا جەزقازعان بيزنەس جانە كولىك كوللەدجىنىڭ قوعاممەن بايلانىس ورتالىعىنىڭ ديرەكتورى, اقىن ز.چۋماكوۆا, «100­ جاڭا ەسىم» جوباسىنىڭ جەڭىمپازى ا.توسقانباەۆ, ليتۆا رەسپۋبليكاسىنىڭ «شتۋر­ۆا­­لاس» كولىك جانە لوگيستيكا كوم­پانياسىنىڭ ديرەكتورى­ پ.ۆا­را­­سيماۆيچيۋس, ساتباەۆ قالاسىن­داعى «دۋسلىك» تاتار-باش­قۇرت ەتنو­مادەني ورتالىعى» قوعام­دىق­ بىرلەستىگىنىڭ ءتورايىمى ر.ابۋزيا­روۆا, پرەزيدەنتتىك «بو­لا­شاق» باعدارلاماسىنىڭ تۇلەگى, ۇلىبريتانياداعى مەملەكەتتىك جانە جەرگىلىكتى باسقارۋ ەكسەتە­را ۋنيۆەرسيتەتىنىڭ ماگيسترى ا.داۋلەنباەۆ, قاراعاندى مەم­لەكەتتىك مەديتسينا ۋنيۆەر­سيتە­تىنىڭ ستۋدەنتى ۆ.ليتۆينوۆ ءوز پى­كىر­لەرىمەن ءبولىسىپ, ويلارىن ورتاعا سالدى.

وبلىستىق قازاقستان حال­قى اسسامبلەياسىنىڭ XX سەسسياسى­نىڭ سوڭىندا سالتاناتتى ماراپاتتاۋ ءراسىمى وتكىزىلدى. 

كەڭەس توراعاسى ەرقارا ايما­عام­بەتوۆ حالىقتىڭ بىرلىگىنە, مادەنيەتارالىق ديالوگتى دا­مى­تۋعا جانە قازاقستاندىق ءپاتريو­تيزمدى نىعايتۋعا قوسقان ەلەۋلى ۇلەسى ءۇشىن قازاقستان حالقى اسسامبلەياسىنىڭ «بىرلىك» التىن مەدالىن تابىستادى. وعان «شەمەش» ەۆرەي ورتالىعىنىڭ باسشىسى ي.كوجانوۆسكايا جانە «LITUANICA» قوعامدىق بىرلەس­تىگىنىڭ توراعاسى ۆ.تۆاريو­ناس يە بولدى. سونىمەن قاتار ەلدەگى قوعامدىق كەلىسىمدى نىعايتۋعا, قازاقستان حالقىنىڭ بىرلىگىن قامتاماسىز ەتۋگە ەلەۋلى ۇلەس قوس­قانى ءۇشىن قازاقستان حالقى اسسامبلەياسىنىڭ قۇرمەت گراموتاسى مەن العىس حاتى ە.بوكە­توۆ اتىنداعى قاراعاندى مەملەكەت­تىك ۋنيۆەرسيتەتىنىڭ فيلوسوفيا جانە مادەنيەت تەورياسى كافە­دراسىنىڭ پروفەسسورى ب.كاريپ­باەۆقا, جەزقازعان بيزنەس جانە كولىك كوللەدجىنىڭ ديرەكتورى س.جۋمكيناعا, قالي بايجانوۆ اتىنداعى «مەرەي» ءانسامبلىنىڭ ءسوليسى ل.پروپيششانعا تابىس ەتىلدى.

ال وبلىستىڭ قوعامدىق-ساياسي ومى­رى­نە بەلسەندى قاتىسقانى ءۇشىن جانە جەكە ەڭبەك ۇلەسى ءۇشىن قاراعاندى وبلىسى­ اكى­مىنىڭ قۇرمەت گراموتاسى «100 جا­ڭا ەسىم» ۇلتتىق جوباسى­نىڭ جەڭىمپازدارىنا, ياعني قا­­راعاندى مەملەكەتتىك مەديتسينا ۋنيۆەرسيتەتىنىڭ پروفەس­سورى, جوعارى ساناتتى حيرۋرگ­ ن.اباتوۆقا, قاراعاندى مەم­لە­كەت­تىك­ مەديتسينا ۋني­ۆەر­سيتەتىنىڭ پروفەسسورى, مەديتسي­نا عىلىمدارىنىڭ دوكتورى ر.الىمحانوۆاعا, قا­را­عاندى قا­لاسى ءىىب جاڭا-ماي­قۇدۇق پوليتسيا ءبولىمىنىڭ ۋچاسكەلىك ينس­پەكتورى, پوليتسيا مايورى د.التاەۆقا, «NOMAD MMA» ارالاس جەكپە-جەگى ۇلت­تىق ءستيلىنىڭ نەگىزىن قالاۋ­شى س.انعا جانە جاس كاسىپ­كەر ا.توس­قانباەۆقا تابىستالدى.

سونىمەن قاتار, ول ماراپات ە.بوكە­توۆ اتىنداعى قاراعاندى مەملەكەتتىك ۋنيۆەرسيتەتى زاڭ فاكۋلتەتىنىڭ ازاماتتىق جانە ەڭبەك قۇقىعى كافەدراسىنىڭ مەڭگەرۋشىسى م.جاسقايراتقا, «ۆايناح» چەشەن-ينگۋش ەتنوما­دەني بىرلەستىگى» قوعامدىق بىر­لەس­تىگى توراعاسىنىڭ ورىنباسا­رى ا.زاۋربەكوۆكە, «ستروي س نامي» جاۋاپكەرشىلىگى شەكتەۋلى سەرىك­تەستىگىنىڭ ديرەكتورى ا.تسوي­­عا, قاراعاندى وبلىستىق قازاق­ستان حال­قى اسسامبلەياسى انالار كەڭەسىنىڭ مۇشەسى ك.تولەۋحا­نوۆا­عا بەرىلدى.

سەسسيانىڭ قورىتىندىسى بو­يىن­شا ايماقتاعى قوعامدىق كەلىسىم مەن جالپىۇلتتىق بىرلىكتى نىعايتۋ سالاسىندا ناقتى تاپسىرمالار بەرىلدى. ايتا كەتەيىك, جيىنعا الاش­ورادانىڭ سوڭعى وكىلى ءالىمحان ەرمەكوۆتىڭ نەمەرەسى, بەلگىلى عالىم, ماتەماتيك ولەگ ەرمەكوۆ قاتىسىپ, سەسسيا دەلەگاتتارىنا بيزنەس جايىندا ورەلى اڭگىمە ءوربىتتى. تەكتىنىڭ تۇياعى بۇگىندە كاسىپكەر, «Mاريادي گرۋپپ» كوم­پا­نياسىنىڭ باسشىسى بولىپ تابىلادى.