قازاقستان پرەزيدەنتى ەلىمىزدىڭ داڭقتى سپورتشىسى تيمۋر سەگىزباەۆتىڭ قايتىس بولۋىنا بايلانىستى تۋعان-تۋىسقاندارى مەن جاقىندارىنا كوڭىل ايتۋ جەدەلحاتىن جولدادى, دەپ حابارلايدى اقوردانىڭ ءباسپاسوز قىزمەتى.
نۇرسۇلتان نازارباەۆ تانىمال فۋتبولشى ءارى سپورت قايراتكەرى تيمۋر سەگىزباەۆتىڭ وتباسىنا قايعىلارىنا ورتاقتاسىپ, كوڭىل ايتتى.
جەدەلحاتتا قازاقستان فۋتبولىن دامىتۋعا جانە بالالار مەن جاستار اراسىندا سپورتتىق ءومىر سالتىن ناسيحاتتاۋ ىسىنە ت.سەگىزباەۆتىڭ سىڭىرگەن ەڭبەگى ايرىقشا اتاپ وتىلگەن.
«ول جاتتىقتىرۋشى ءارى قازاقستان فۋتبول قاۋىمداستىعى باسشىلارىنىڭ ءبىرى رەتىندە ەلىمىزدە سپورتتىڭ وسى ءتۇرىنىڭ دامۋىنا ەلەۋلى ۇلەس قوستى», – دەلىنگەن جەدەلحاتتا.
مەملەكەت باسشىسى ت.سەگىزباەۆتىڭ ەسىمى حالىق جادىندا ءاردايىم ساقتالاتىنىنا سەنىم ءبىلدىردى.