"ەگەمەن قازاقستان" گازەتىنىڭ 98 جىلدىعىنا جəنە تəۋەلسىزدىكتىڭ 26 جىلدىعىنا وراي ەلورداداعى "استانا ارەنا" سپورت كەشەنىندە باق وكىلدەرى اراسىندا شاعىن فۋتبولدان وتكەن "Egemen-Cup" ءتۋرنيرىنىڭ جەڭىمپازدارى بەلگىلى بولدى.
18 كوماندا قاتىسقان جارىستىڭ ناتيجەسى بويىنشا ءبىرىنشى ورىن "حابار" كومانداسىنا بۇيىردى. ەكىنشى ورىندى "ەلوردا اقپارات", ءۇشىنشى ورىندى "قازمەديا" كومانداسى الدى. سونىمەن قاتار "ەلوردا اقپارات" كومانداسىنىڭ ويىنشىسى ازامات نۇرماتوۆ "ۇزدىك قاقپاشى", "ەگەمەن قازاقستان" كومانداسىنىڭ ويىنشىسى ەركەبۇلان الدابەرگەنوۆ "ۇزدىك قورعاۋشى" دەپ تانىلدى.
"ۇزدىك شابۋىلشى" ماراپاتى ادىلبەك جاقانوۆقا, "ۇزدىك ويىنشى" نۇرسۇلتان قابىلبەككە, "كورەرمەن كوزايىمى" بەرىك ۋاليگە بەرىلدى. "اقمەشىت" كومانداسىن باستاپ كەلگەن ەرجان بايتىلەس "ۇزدىك باپكەر" نوميناتسياسىن, عالىم قوجابەك "بەلسەندى جانكۇيەر" نوميناتسياسىن جەڭىپ الدى.