قازاقستاندىق بوكسشى يۆان دىچكو (3-0, 3 كو) كاسىبي بوكستاعى ءتورتىنشى كەزدەسۋىن وتكىزدى, دەپ حابارلايدى Sports.kz.
ماياميدە (اقش. فلوريدا شتاتى) ول 36 جاستاعى مەكسيكالىق سەلسو پينسونمەن (5-4-1, 3 كو) كەزدەستى. اسا اۋىر سالماقتاعى جەكپە-جەك ءۇشىنشى راۋندتا قازاقستاندىق بوكسشىنىڭ جەڭىسىمەن اياقتالدى. دىچكو قارسىلاسىن تەحنيكالىق نوكاۋتقا جىبەردى. يۆان ءۇشىن بۇل ونىڭ كارەراسىنداعى 4-ءشى جەڭىس. ال پينسون 5-ءشى رەت جەڭىلىسكە ۇشىرادى. وسىعان دەيىن دىچكونىڭ باپكەرى زيا اليەۆ تىلشىلەرگە بەرگەن سۇحباتتارىنىڭ بىرىندە ادۋىندا قارسىلاستاردى اقپان ايىنان سوڭ تاڭداي باستايتىنىن ايتقان بولاتىن.