تاۋەلسىزدىك كۇنىنە وراي «نۇر وتان» پارتياسىنىڭ ايماقتىق جانە اۋماقتىق فيليالدارى اراسىندا وتكەن «ۇزدىك باستاۋىش پارتيا ۇيىمى» جانە «ۇزدىك قوعامدىق قابىلداۋ بولمەسى» رەسپۋبليكالىق بايقاۋىنىڭ جەڭىمپازدارى انىقتالىپ, پارتيانىڭ ورتالىق اپپاراتىندا سالتاناتتى تۇردە ماراپاتتاۋ ءراسىمى ءوتتى.
اتالعان بايقاۋ 2010 جىلدان بەرى ءداستۇرلى تۇردە ۇيىمداستىرىلىپ كەلەدى. مۇنى حالىقپەن بەتپە-بەت كەزدەسىپ, قويان-قولتىق جۇمىس اتقارىپ وتىرعان قوعامدىق قابىلداۋ بولمەلەرىنىڭ ءبىر جىلدىق جۇمىسىنا باعا بەرۋ دەۋگە بولادى. تاۋەلسىزدىك كۇنىنە وراي ۇيىمداستىرىلعان بيىلعى «ۇزدىك قوعامدىق قابىلداۋ بولمەسى» رەسپۋبليكالىق بايقاۋىنا 231 قوعامدىق قابىلداۋ بولمەسى قاتىستى. سونىڭ ىشىندە ايماقتىق فيليالدار اراسىنان ءى ورىندى الماتى قالالىق فيليالى, ءىى ورىندى شىعىس قازاقستان وبلىستىق فيليالى, ءىىى ورىندى سولتۇستىك قازاقستان وبلىستىق فيليالى جەڭىپ الدى.
جەڭىمپازداردى انىقتاۋ ءۇشىن قۇرىلعان ارنايى كوميسسيا ازاماتتاردىڭ وتىنىشتەرىن قاراۋ مەرزىمىنىڭ ساقتالۋى مەن ونىڭ ناتيجەسىن, وڭ شەشىلگەن وتىنىشتەر ۇلەسىن نەگىزگە الدى. سونىمەن قاتار, ازاماتتاردى جەكە قابىلداۋدى ۇيىمداستىرۋ جانە وتكىزۋ ساپاسى, «ەلەكتروندىق قوعامدىق قابىلداۋ بولمەسى» بىرىڭعاي اقپاراتتىق جۇيەسىندە ەنگىزىلگەن دەرەكتەردىڭ تولىقتىعى مەن دۇرىستىعى, اۋماقتىق جانە ايماقتىق پارتيا فيليالدارىنىڭ قوعامدىق قابىلداۋ بولمەلەرىنىڭ جۇمىس جۇكتەمەسى, بۇقارالىق اقپارات قۇرالدارىندا قوعامدىق قابىلداۋ بولمەلەرىنىڭ جۇمىسىن وڭ ناسيحاتتاۋ, ازاماتتاردىڭ وتىنىشتەرىن شەشۋگە باعىتتالىپ ەنگىزىلگەن جۇمىستىڭ جاڭا نىساندارى مەن ادىستەرى ەسكەرىلدى.
ال «ۇزدىك باستاۋىش پارتيا ۇيىمى» بولىپ شىعىس قازاقستان وبلىسىنداعى ەڭ ءىرى كومپانيا – «كازتسينك» كاسىپورنى انىقتالدى. جەڭىمپازداردى پارتيا توراعاسىنىڭ ءبىرىنشى ورىنباسارى مۇحتار قۇل-مۇحاممەد پەن ورتالىق بايقاۋ كوميسسياسىنىڭ مۇشەلەرى, پارلامەنت ءماجىلىسىنىڭ دەپۋتاتتارى شاۆحات وتەمىسوۆ, ەرسۇلتان بەكتۇرعانوۆ قۇتتىقتاپ, ءى, ءىى, ءىىى-ءشى دارەجەلى ديپلومدار مەن اقشالاي سىياقى تابىستادى.
ازامات قاسىم,
"ەگەمەن قازاقستان"