وسكەمەندە تاۋەلسىزدىك كۇنىنە وراي 2006-2007, 2008-2009, 2010-2011 جىلدارى تۋعان جانە ودان كىشى ۇلدار مەن قىزدار اراسىندا «سپورتتىڭ سۋ تۇرلەرى فەدەراتسياسى» رەسپۋبليكالىق قوعامدىق بىرلەستىگىنىڭ شىعىس قازاقستان وبلىستىق فيليالىنىڭ اشىق كۋبوگى وتۋدە.
وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنىڭ تاراتقان مالىمەتتەرىنە سەنسەك, اتالمىش جارىسقا وسكەمەندەگى «چايكا», «دەلفين», «شقو سۋ سپورتى تۇرلەرى بويىنشا كەشەندى بالالار-جاسوسپىرىمدەر سپورت مەكتەبى» كمم تاربيەلەنۋشىلەرىنەن بولەك, تالدىقورعان, ريددەر قالالارىنان بارلىعى 150 سپورتشى قاتىسۋدا.
سايىس ءجۇزۋدىڭ 4 ءتۇرلى ءادىسى بويىنشا وتەدى. ولار: 50 م قاشىقتىقتاعى باتتەرفلياي, 50 م ارقامەن ءجۇزۋ, 50 م براسس جانە 50 م ەركىن ستيل سىندى ءجۇزۋ تۇرلەرى. وسى 4 ءجۇزۋ ءادىسى قورىتىندىسىندا ءار جاس ەرەكشەلىگى بويىنشا ۇزدىكتەر انىقتالادى. جاقسى ناتيجە كورسەتكەن سۋدا جۇزۋشىلەر كەلەر جىلى وتەتىن رەسپۋبليكالىق جارىستاردا ءوڭىر نامىسىن قورعايتىن بولادى.
ازامات قاسىم, «ەگەمەن قازاقستان»
وسكەمەن