ماڭعىستاۋدا «بولاشاق» شەكارا بەكەتى اشىلدى

2018 اسكەري ءبولىمىنىڭ جەكە قۇرامى قازاقستان رەسپۋبليكاسىنىڭ ترانزيتتىك ايماعى بولىپ تابىلاتىن قازاقستان-تۇركمەنستان باعىتىنداعى مەملەكەتتىك شەكارانى سەنىممەن كۇزەتىپ كەلەدى. وسىعان دەيىن شەكارا زاستاۆاسىنىڭ كۇندەلىكتى قىزمەتتىك – جاۋىنگەرلىك ءىس-ارەكەتتەرى جىلجىمالى مودۋل تيپتەرىندە ۇيىمداستىرىلىپ كەلگەن بولاتىن. ەندى اسكەري قۇرام جاڭا بەكەتتە وتان الدىنداعى پارىزىن ورىنداي الادى.

اشىلۋ سالتاناتىنا ارنايى بارعان وبلىستىق ءماسليحات حاتشىسى سەرىكباي ترۇموۆ قازاقستان شەكاراشىلارىنىڭ حالىق پەن ەلدىڭ مۇددەسىنە رياسىز قىزمەت ەتەتىندىگىنە, اسكەري انتقا جانە قىزمەتتىك پارىزعا ادال بولاتىندىعىنا سەنىم ءبىلدىردى.

قازاقستان رەسپۋبليكاسى ۇلتتىق قاۋىپسىزدىك كوميتەتى شەكارا قىزمەتىنىڭ شەكاراشىلارى مەملەكەتتىك شەكارانىڭ قول سۇعىلماۋىن, شەكارا كەڭىستىگىندەگى زاڭدىلىقتى جانە ءتيىستى ءتارتىپتى ورناتۋدى ورىنداۋمەن, قازاقستان رەسپۋبليكاسىنىڭ مەملەكەتتىك شەكاراسىن سەنىمدى قورعاۋ تاپسىرماسىن اسقان ەرلىكپەن اتقارىپ كەلەدى.

7 جىلى قر ۇقك شق جاعالاۋ كۇزەتى وڭىرلىك باسقارماسى اسكەريلەرىنىڭ كومەگىمەن مەملەكەتتىك شەكارانى زاڭسىز بۇزعان 10-نان استام ادام ۇستالىپ, ولارعا 2 100 000 تەنگە ايىپپۇل سالىنسا,

60-تان استام ءجۇزۋ قايىقتارى ۇستالعان. سونداي-اق, 2000-نان اسا بەكىرە بالىعى مەن  1500-دەن استام ءتۇرلى بالىقتار تاركىلەنگەن جانە 800 مىڭ مەتردەن استام تور الىنىپ تاستالعان. جالپى, 24 قىلمىستىق جانە 989 اكىمشىلىك ءىس قوزعالعان.

شاراعا قاتىسۋشىلار شەكارا قالاشىعىنىڭ ينفراقۇرىلىمىمەن, سونداي-اق اۆتوكولىك جانە ارنايى تەحنيكاسىمەن تانىستى.

گۇلايىم شىنتەمىرقىزى, «ەگەمەن قازاقستان»

ماڭعىستاۋ وبلىسى