بۇگىن ورال قالاسىندا «رۋحاني جاڭعىرۋ» مۋزەيى اشىلدى. №4 مەكتەپتىڭ جاڭا عيماراتى پايدالانۋعا بەرىلدى. 180 پاتەرلىك 9 قاباتتى ءۇي تاپسىرىلىپ, سۋ جاڭا تۇرعىندار تاۋەلسىزدىك مەرەكەسىن قونىستويمەن جالعاستىردى.
مۇنداي قۋانىش وبلىس ورتالىعىندا عانا ەمەس, ءوڭىردىڭ ءار اۋدان-اۋىلدارىندا دا بولىپ جاتتى. ويتكەنى, ءدال وسى كۇنى باتىس قازاقستان وبلىسى بويىنشا 95 نىسان پايدالانۋعا بەرىلگەن. ماسەلەن ورال قالاسىنداعى 180 پاتەردەن بولەك, اۋدان-اۋىلداردا 157 وتباسى باسپانالى بولدى. بارلىعى - 77 ءۇي تاپسىرىلدى.
- وسىدان ءۇش جىل بۇرىن №4 مەكتەپ عيماراتىن كۇردەلى جوندەۋدەن وتكىزبەك بولعان ەدىك. بىراق ابدەن توزىعى جەتكەن بۇل عيماراتتى جوندەگەننەن گورى جاڭادان قايتا سالعان ءجون دەپ شەشتىك. مىنە, «نۇرلى جول» مەملەكەتتىك باعدارلاماسى اياسىندا ۇلتتىق قور قارجىسىنا سالىنعان مەكتەپ ەڭ ۇلى مەرەكە قارساڭىندا پايدالانۋعا بەرىلگەلى وتىر. وسى «نۇرلى جول» باعدارلاماسى بويىنشا ورال قالاسىنىڭ وزىندە 4 مەكتەپ سالىنىپ جاتىر. وسى باعدارلاما اياسىندا ءبىلىم سالاسى بويىنشا بويىنشا وڭىردە بارلىعى 24 نىسان سالىنۋدا. مەملەكەت ءبىلىمدى ۇرپاق تاربيەلەپ ءوسىرۋ ءۇشىن بار جاعدايدى جاساپ كەلەدى. پەداگوگتار قاۋىمى الاڭسىز ءبىلىم بەرۋمەن عانا اينالىسۋى قاجەت, - دەدى باتىس قازاقستان وبلىسىنىڭ اكىمى التاي كولگىنوۆ №4 مەكتەپتىڭ اشىلۋ سالتاناتى كەزىندە.
مەكتەپ عيماراتى 300 وقۋشىعا ارنالعان. ءبىلىم ورداسىنىڭ ديرەكتورى ماۋلەن دىلماعانبەتوۆتىڭ ايتۋىنشا, قازىر مۇندا 333 وقۋشى تىركەلگەن. عيمارات 3 كورپۋستان تۇرادى, بارلىق قۇرال-جابدىعى قامتىلعان. مۇندا ساباق ءبىر كەزەكتە وقىتىلىپ, قوسىمشا ءبىلىم بەرۋ ورتالىعى جۇمىس ىستەمەك.
ورال قالاسىنىڭ باس كوشەسى بويىندا 1893 جىلى سالىنعان تاريحي عيماراتتا اشىلعان مۋزەيگە «رۋحاني جاڭعىرۋ» اتاۋى بەرىلدى. ەلدەگى ەڭ ۇلكەن رۋحاني جاڭعىرۋ, ەرەكشە بەتبۇرىس كەزىندە اشىلىپ وتىرعان مۋزەي عيماراتىن جوندەۋگە بيۋدجەت قارجىسى جۇمسالماعان. ول جۇمىستى «Kaz Construction Group» كومپانياسىنىڭ باس ديرەكتورى مۇراتبەك مۇxامەديەۆ كوتەرىپ العان ەكەن. «مۇنىڭ ءوزى ەلباسىمىزدىڭ «رۋحاني جاڭعىرۋ» باعدارلاماسىن ۇلكەن-كىشى, حالىق بولىپ قولداپ وتىرعانىن كورسەتەدى» دەپ اتاپ ءوتتى ءوڭىر باسشىسى.
مۋزەي ەلباسى نۇرسۇلتان نازارباەۆتىڭ «بولاشاققا باعدار: رۋxاني جاڭعىرۋ» باعدارلامالىق ماقالاسى اياسىندا بقو اكىمدىگىنىڭ باسشىلىعىمەن بقو مادەنيەت, ارxيۆتەر جانە قۇجاتتاما باسقارماسى قولداۋىمەن, بقو تاريxي-ولكەتانۋ مۋزەيىنىڭ ۇيىمداستىرۋىمەن اشىلعان. «رۋxاني جاڭعىرۋ» مۋزەيى «باتىس قازاقستان وبلىسىنىڭ كيەلى جەرلەرى», «ۇلتتىق ءباسپاسوز تاريxى», «باتىس الاش وردا تاريxى» جانە «جاڭارعان ولكە» اتتى ءتورت ەكسپوزيتسيالىق زالدان تۇرادى.
مۋزەيدىڭ اشىلۋ سالتاناتىندا ءسوز العان مادەنيەت سالاسىنىڭ ارداگەرى ج.اقباي پرەزيدەنت ن.نازارباەۆتىڭ «بولاشاققا باعدار: رۋxاني جاڭعىرۋ» باعدارلامالىق ماقالاسى اياسىندا رەسپۋبليكادا اشىلىپ وتىرعان العاشقى مۋزەي ەكەنىن اتاپ ءوتتى.
تاۋەلسىزدىك مەرەكەسى كۇنى باتىس قازاقستان وبلىسىندا بارلىعى 8 الەۋمەتتىك نىسان اشىلدى. ولاردىڭ ەكەۋى – ءبىلىم بەرۋ نىسانى, ۇشەۋى – مادەنيەت نىسانى, جانە 3 سپورت نىسانى. 7 اۋىلعا ورتالىقتاندىرىلعان تازا اۋىز سۋ جەتكىزىلدى. سونىمەن قاتار زەلەنوۆ اۋدانىندا «مەنىڭ ەلىم» مونۋمەنتى بوي كوتەرىپ, قاراتوبەدە كاسىپكەرلەر ءۇيى مەن مال سويۋ بەكەتى اشىلدى. شىڭعىرلاۋدا اۋداندىق تاريح جانە ولكەتانۋ مۋزەيى اشىلدى.
قازبەك قۇتتىمۇرات ۇلى, «ەگەمەن قازاقستان»