قازاق كۇرەسىنەن الماتىداعى «الماتى ارەنا» سپورت سارايىندا ءوتىپ جاتقان «ەۋرازيا بارىسى» تۋرنيرىندە «قازاقستان 1» قۇراماسى باس جۇلدەنى جەڭىپ الدى.
فينالدا «قازاقستان 1» قۇراماسى مەن الماتى وبلىسىنان قۇرالعان «قازاقستان 2» كوماندالارى كەزدەستى. تارتىستى وتكەن بەلدەسۋدە «قازاقستان 1» جەڭىسكە جەتتى.
وزبەك بالۋاندارى جارتىلاي فينالدا جاپونيا بالۋاندارىن 6:2 ەسەبىمەن ۇتىپ, ءۇشىنشى ورىنعا يە بولدى.
جالپى, «ەۋرازيا بارىسى» تۋرنيرىنە برازيليا, جاپونيا, كامەرۋن, گرۋزيا, موڭعوليا, تۇركيا, وزبەكستاننان ءبىر-بىردەن قۇراما كوماندالار قاتىسسا, قازاقستاننان ەكى كوماندا سىنعا ءتۇستى.
بۇلاردىڭ اراسىندا برازيليا, جاپونيا, كامەرۋن كوماندالارى قازاق كۇرەسىنەن «ەۋرازيا بارىسى» تۋرنيرىنە تۇڭعىش رەت قاتىسىپ وتىرعانىن ايتا كەتكەن ءجون.
سونىمەن ءبىرىنشى ورىن العان «قازاقستان-1» كومانداسى 10 ميلليون تەڭگەگە, ەكىنشى ورىن العان «قازاقستان-2» قۇراماسى التى ميلليون تەڭگەگە جانە ءۇشىنشى ورىن يەلەنگەن وزبەكستان كومانسىنا ءتورت ميلليون تەڭگە كولەمىندە اقشالاي سىياقى تابىستالدى.