نۇرسۇلتان نازارباەۆتىڭ اتىنا قازاقستان رەسپۋبليكاسىنىڭ تاۋەلسىزدىگى كۇنىن مەرەكەلەۋگە وراي شەت مەملەكەتتەر باسشىلارى مەن حالىقارالىق ۇيىمدار جەتەكشىلەرىنەن قۇتتىقتاۋ جەدەلحاتتارى كەلىپ ءتۇستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
بۇۇ باس حاتشىسى انتونيۋ گۋتەرريش نۇرسۇلتان نازارباەۆتىڭ اتىنا جولداعان جەدەلحاتىندا: ء«سىز ءۇشىن وسى ەرەكشە كۇنى مەن ءسىزدىڭ ەلىڭىزدىڭ بىرىككەن ۇلتتار ۇيىمىن نىعايتۋ جəنە بارشا ءۇشىن بەيبىتشىلىكتى, دامۋ مەن ادام قۇقىن قامتاماسىز ەتۋ بويىنشا ءبىزدىڭ ورتاق كۇش-جىگەرىمىزدى ىلگەرىلەتۋ ىسىنە بەلسەندى قاتىساتىنىنا جəنە ىقپال ەتەتىنىنە سەنىمدىمىن», دەپ جازادى.
گەرمانيا فەدەراتيۆتىك رەسپۋبليكاسىنىڭ پرەزيدەنتى فرانك-ۆالتەر شتاينمايەر ءوزىنىڭ قۇتتىقتاۋ جەدەلحاتىندا بىلاي دەپ اتاپ وتەدى: «ديپلوماتيالىق قاتىناستار قالىپتاسقان سəتتەن بەرگى شيرەك عاسىر بەدەرىندە ءبىزدىڭ ەلدەرىمىزدىڭ اراسىنداعى ساياسي, ەكونوميكالىق, قوعامدىق جəنە مəدەني بايلانىستار كوپقىرلى جəنە سەرپىندى دامۋعا يە بولدى. گەرمانيا الداعى كەزەڭدەردە دە دەموكراتيانى نىعايتۋ مەن زاڭ ۇستەمدىگى ۇدەرىستەرىندە قازاقستاننىڭ سەنىمدى سەرىكتەسى بولىپ قالا بەرمەك».
كانادانىڭ گەنەرال-گۋبەرناتورى جۋلي پايەتت ءوزىنىڭ قۇتتىقتاۋ حاتىندا قازاقستاننىڭ يادرولىق قارۋدى تاراتپاۋ باستاماسىنا قولداۋ كورسەتەتىنىن بىلدىرەدى جəنە ءوڭىردى ءəرى قاراي دامىتۋ جونىندەگى بىتىمگەرشىلىك كۇش-جىگەرى مەن قولعا الىپ جاتقان ءىس-əرەكەتتەرىن اتاپ وتەدى.
ءوزىنىڭ جەدەلحاتىندا قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ قازاقستان-قىرعىزستان قارىم-قاتىناسى ءəرى قاراي دا وداقتاستىق پەن ستراتەگيالىق سەرىكتەستىك رۋحىندا نىعايىپ, دامي بەرەتىنىنە سەنىم بىلدىرەدى.
سونداي-اق مەملەكەت باسشىسى مەن قازاقستان حالقىنىڭ اتىنا يگىلىك پەن ءوسىپ-وركەندەۋ تىلەگەن جەدەلحاتتاردى جاپونيا يمپەراتورى اكيحيتو, سينگاپۋر رەسپۋبليكاسىنىڭ پرەزيدەنتى حاليما ياكوب, اۋستريا رەسپۋبليكاسىنىڭ پرەزيدەنتى الەكساندر ۆان دەر بەللەن, مەكسيكا پرەزيدەنتى ەنريكە پەنيا نەتو, نيدەرلاند كورولى ۆيللەم-الەكساندر, كۋبا رەسپۋبليكاسى مەملەكەتتىك كەڭەسىنىڭ جəنە مينيسترلەر كەڭەسىنىڭ توراعاسى راۋل كاسترو رۋس جولداعان.