ەل تاۋەلسىزدىگىنىڭ شيرەك عاسىردان اساتىن ۋاقىت بەدەرىندە قول جەتكەن جەتىستىكتەرىمىز بەن قۇندىلىقتارىمىزدى سارالاپ, وي ەلەگىنەن وتكىزەتىن بولساق, ەكونوميكالىق تابىستارىمىزدى بولە-جارا ايتار ەدىم.
ەلباسىنىڭ الىستى بولجايتىن كورەگەن باسشىلىعىنىڭ ارقاسىندا «الدىمەن ەكونوميكا, سوسىن ساياسات» ستراتەگياسى مۇلتىكسىز جۇزەگە اسىرىلىپ, بۇگىندە وركەنيەتتى وتىز ەلدىڭ قاتارىنا قوسىلۋدىڭ قارىشتى قادامدارىن جاساۋدامىز. وزگە مەملەكەتتەر سەكىلدى قازاقستان دا كوپتەگەن قيىندىقتاردى باستان وتكەرگەنىمەن, قارجىلىق داعدارىستاردى ەڭسەرۋدىڭ ءتيىمدى جولدارىن ۇتىمدى ۇيىمداستىرا ءبىلدى. ىرگەمىز سوگىلمەي, «تار جول, تايعاق كەشۋدەن» امان وتتىك. ءبىر عانا اۋىل شارۋاشىلىعى سالاسىن الايىق. بۇل سالادا قانشاما اۋقىمدى جاڭعىرتۋلار جۇرگىزىلىپ, مەملەكەت تاراپىنان وراسان قارجىلىق قولداۋ كورسەتىلدى دەسەڭىزشى! مۇنىڭ ءبارى, اينالىپ كەلگەندە, حالىقتىڭ تۇرمىس-تىرشىلىگىن, ءال-اۋقاتىن, ءومىر ساپاسىن ارتتىرىپ, جاسامپازدىق «ماڭگىلىك ەل» يدەياسىمەن العا ىلگەرىلەۋدى, «مەن قازاقستاندىقپىن!» دەگەن ماقتانىش سەزىمنىڭ قالىپتاسۋىن قامتاماسىز ەتتى. وسىلايشى ەكونوميكالىق قارىشتى دامۋىمىز قازاقستان اتتى گۇلدەنگەن, تولىسقان مەملەكەتتى تورتكۇل دۇنيەگە تانىتىپ وتىر.
گەننادي زەنچەنكو, «زەنچەنكو جانە ك» كومانديتتىك سەرىكتەستىگىنىڭ ديرەكتورى, سولتۇستىك قازاقستان وبلىستىق ءماسليحاتىنىڭ دەپۋتاتى