قاراقيادا تاۋەلسىزدىك مەرەكەسىنە وراي جاڭا نىساندار  اشىلدى

بۇل جوبا شەڭبەرىندە شاعىن اللەيا مەن ارنايى تاعزىم ەتەتىن ورىندار سالىنعان.  ەسكەرتكىش قازاقستان حالقىنا ورنى تولماس قاسىرەت پەن قايعى اكەلگەن  ساياسي-قۋعىن سۇرگىننىڭ 80 جىل تولۋىنا وراي زۇلماتتىڭ قۇرباندارى مەن زارداپ شەككەندەردى ماڭگى ەسكە الۋ ماقساتىندا تۇرعىزىلعان.

 -وتكەن عاسىردىڭ 1928-1931 جىلدارى كەڭەس وكىمەتىنىڭ سولاقاي ساياساتىنىڭ كەسىرىنەن قازاق حالقىنىڭ ءومىر – سالتى, ءداستۇر – مادەني تۇرمىسى شۇعىل تۇردە زورلىقپەن كۇشتەپ وزگەرتىلدى. اسىرا سىلتەۋ بەلسەندىلەرىنىڭ وزبىرلىعىنان سول ناۋبەتتىڭ تۇسىندا قازاق حالقىنىڭ 2 ميلليوننان استام بوزداقتارى قىرعىنعا ۇشىراپ, 1,5 ميلليونى شەت ەلدەرگە باس ساۋعالاپ كەتۋگە ءماجبۇر بولدى. سول ءبىر زوبالاڭ جىلدارى باستارىن ولىمگە تىگىپ قازاقتىڭ قامىن ويلاعان قايراتكەر تۇلعالارىن بۇگىنگى وسى جيىندا ەسكە الىپ, ولاردىڭ رۋحىنا تاعزىم ەتۋ ءبىزدىڭ ازاماتتىق پارىزىمىز. وسىنداي تۇلعالارىمىزدىڭ ارقاسىندا قازاقستان رەسپۋبليكاسىنىڭ تاۋەلسىزدىگىنە 26 جىل تولىپ وتىر.

وسى ورايدا اۋدان ورتالىعى قۇرىق اۋىلىنداعى وسى مەموريالدىق كەشەن 1931-32 جىلدارداعى اشتىق پەن  1937-38 جىلدارداعى ساياسي قۋعىن-سۇرگىننىڭ قۇربانى بولعان جەرلەستەرىمىزدىڭ رۋحىنا قويىلعان ماڭگىلىك ەسكەرتكىش, دەدى ايماق باسشىسى ەرالى توعجانوۆ.

سونداي-اق, قۇرىق اۋىلىندا تاعى ءبىر نىسان - 500 ورىندىق جاتاقحانا ەل يگىلىگىنە بەرىلدى.  اۋدان تاريحىنا رۋحاني سەرپىن بەرەر جاڭا كەزەكتى جوبا - قۇرىق اۋىلىنداعى جۇمىسشىلارعا ارنالىپ سالىنعان. نكوك (نورت كاسپيان وپەرەيتينگ كومپاني) مەكەمەسىنىڭ قارجىلاندىرۋىمەن بوي كوتەرگەن جاڭا جاتاقحانا قۇرىلىسىنا 1 ملرد 352 ملن تەڭگە جۇمسالعان. جاتاقحانا عيماراتى 10 723 شارشى مەتر اۋماقتى الىپ جاتىر. 5 قاباتتان تۇراتىن عيمارات بارلىق قاجەتتى جابدىقتارمەن قامتىلعان.

اشىلۋدا ءسوز العان ايماق باسشىسى الدىمەن ءوڭىردىڭ الەۋمەتتىك-ەكونوميكالىق دامۋىن ايتىپ بەردى.

 قازىرگى تاڭدا, قاراقيا اۋدانىندا رەسپۋبليكالىق ماڭىزى بار كوپتەگەن جوبالار ىسكە اسىرىلعان. قۇرىق پارومدىق كەشەنىنىڭ ەكىنشى كەزەڭى اياقتالىپ, پايدالانۋعا بەرىلدى. جوسپارلانعان كورسەتكىشتەن اسىرىپ 1ملن. 250مىڭ توننا جۇك تاسىمالدانىپ, كەلەسى جىلى بۇل كورسەتكىش ودان 2 ەسە وسەدى دەپ جوسپارلانعان.

پرەزيدەنتتىڭ «نۇرلى جول» باعدارلاماسى اياسىندا يندۋسترياليزاتسيا كۇنى شەتپە-جەتىباي-اقتاۋ اۆتوجولى پايدالانۋعا بەرىلگەن. جالپى, وسى جىلى قاراقيا اۋدانى ەلباسىنىڭ «رۋحاني جاڭعىرۋ» باعدارلاماسى 2,5 ملرد. سومماعا 23 جوبانى دەمەۋشىلەر تاراپىنان ىسكە اسىرعان.

كەلەسى جىلى قۇرىق اۋىلىنداعى كۇنىنە 50 مىڭ تەكشەمەتر شىعاراتىن سۋ زاۋىتى, تازارتۋ يماراتىنىڭ قۇرىلىستارى باستالادى. الەۋمەتتىك نىساندار بويىنشا جەتىباي اۋىلىنداعى 200 ورىندىق بالاباقشا, سەنەك اۋىلىنداعى 150 ورىندىق سپورت كەشەنى سالىنادى.

وبلىستا «تۋعان جەر» باعدارلاماسى قارقىندى ىسكە اسىرىلۋدا. قازىر ۋاقىتتا كاسىپكەرلەر, تۇرعىندار تۋعان اۋىلىنا بارىنشا كومەكتەسىپ, كوركەيتۋ جۇمىستارىنا بەلسەندى ارالاسۋدا, دەلىنگەن ماڭعىستاۋ وبلىسى اكىمى ءباسپاسوز قىزمەتى حابارلاماسىندا.  

گۇلايىم شىنتەمىرقىزى,

«ەگەمەن قازاقستان»

ماڭعىستاۋ وبلىسى