استانالىق كىتاپحانالار جاڭا كىتاپتارمەن تولىقتى

استانا قالاسىنىڭ ورتالىقتاندىرىلعان كىتاپحانالار جۇيەسى مەن وقۋ ورىندارى كىتاپحانالارىنىڭ وكىلدەرىنە قازاق, ورىس جانە اعىلشىن تىلدەرىندە جازىلعان الدان سمايىلدىڭ «استانا ونەر وردالارى» مەن قازاق, ورىس تىلىندە جازىلعان زيابەك قابىلدينوۆتىڭ «استانا تاريحى» اتتى كىتاپتاردىڭ مىڭنان استام داناسىن ىشكى ساياسات باسقارماسىنىڭ ەرلان كاناليموۆ تاپسىردى. 

ونىڭ اتاپ وتۋىنشە, «رۋحاني جاڭعىرۋ» باعدارلاماسىنىڭ اياسىندا كەلەسى جىلى تاعى دا 10-15 شاقتى كىتاپ باسپادان شىقپاق.

«ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايقىنداعان مىندەتتەردى جۇزەگە اسىرۋدىڭ شەڭبەرىندە كوپ جۇمىس اتقارىلدى. 4-5 ايدىڭ ىشىندە ءبىز ءبىراز شارۋا جاسادىق. وسى باعدارلامانىڭ اياسىندا ءبىز استانا قالاسىنىڭ جاستار ساياساتى ماسەلەلەرى, مادەنيەت, مۇراعاتتار جانە قۇجاتتاما, تىلدەردى دامىتۋ, ءبىلىم باسقارمالارىمەن بىرىگىپ, كەلەسى جىلى تاعى دا 10-15 شاقتى ولكە تاريحى, ءار ۋاقىتتاعى ەلوردانىڭ الەۋمەتتىك-ەكونوميكالىق دامۋى, ونىڭ جاڭا بەينەسى ايناسىن تاباتىن كىتاپتاردى باسىپ شىعارۋدى ماقسات ەتىپ وتىرمىز.  الداعى ۋاقىتتا ول كىتاپتاردى تەك ەلوردانىڭ كىتاپحانالار جۇيەسىنە عانا ەمەس, مەكتەپتەر مەن كوللەدج, جوعارى وقۋ ورىندارىنىڭ كىتاپحانالارىنا دا سىيعا تارتامىز», - دەدى ەرلان كاناليموۆ. 

ەلوردا كىتاپحانالارىنىڭ وكىلدەرى ءوز كەزەگىندە مۇنداي اكتسيالاردىڭ جوعارى ماڭىزدىلىعىن اتاپ ءوتتى.