بۇگىنگە دەيىن باقتا 33 مىڭنان استام اعاش وتىرعىزىلىپ, جاساندى سۋ قويماسى سالىنىپ, ۆەلو جانە جۇگىرۋگە ارنالعان جولدار سالىندى, دەپ حابارلايدى ەلوردا اكىمدىگىنىڭ مەديا ورتالىعى.
بۇگىن قالالىق ءماسليحاتتىڭ كەزەكتى سەسسياسىندا «ەلوردادا ەكولوگيالىق قاۋىپسىزدىك پەن قورشاعان ورتانى قورعاۋدى قامتاماسىز ەتۋ شارالارى» تاقىرىبىندا بايانداما جاساعان استانا قالاسى اكىمىنىڭ ورىنباسارى قوسمان ايمۇحامەتوۆتىڭ مالىمەتىنشە, جوبانىڭ جالپى قۇنى 23 ملرد تەڭگەنى قۇرايدى.
«بوتانيكالىق باقتىڭ اۋدانى - 92 گەكتار. جوبانىڭ جالپى قۇنى – 23 ملرد تەڭگە, بۇل قارجىنىڭ 12 ملرد تەڭگەسى – جەكە ينۆەستيتسيالار.
قازىرگى تاڭدا باقتا 2 جىلىجاي بار. ولاردىڭ بىرىندە تروپيكالىق وسىمدىكتەردىڭ 40-تان استام ءتۇرى, ەكىنشىسىندە – ءشولدى جەردەگى وسىمدىكتەردىڭ 40 ءتۇرى وسىرىلۋدە. نىساننىڭ قۇرىلىسى 2018 جىلدىڭ ورتاسىندا اياقتالادى دەپ جوسپارلانۋدا», - دەپ اتاپ ءوتتى قوسمان ايمۇحامەتوۆ.
مۇنىمەن قوسا, قازىرگى تاڭدا استانادا وزەن جاعاسىنىڭ ماڭىنداعى ساياباق سالىنىپ جاتىر. ونىڭ جالپى اۋدانى 141 مىڭ شارشى مەتردى قۇراماق. مۇندا 10 مىڭنان استام جاپىراقتى جانە قىلقان جاپىراقتى اعاش وتىرعىزىلادى دەپ جوسپارلانىپ وتىر.