قىس ايلارىندا ازىق-ت ۇلىك باعالارىنىڭ قىمباتتاۋىنا جول بەرمەۋ كەرەك. شىمكەنتتەگى كولىك-لوگيستيكالىق ورتالىعىنا بارىپ, وڭىرىمىزدەگى تۇراقتاندىرۋ قورىنىڭ قويماسىن ارالاپ كورگەن وبلىس اكىمى جانسەيىت تۇيمەباەۆ وسىلاي دەدى.
تۇراقتاندىرۋ قورى قازىرگى تاڭدا شىمكەنتتەگى كولىك-لوگيستيكالىق ورتالىعىنىڭ الەۋەتىن ءتيىمدى پايدالانىپ وتىر. بۇل جەردەن 4 مىڭ شارشى مەترلىك قويمالاردى جالعا العان. ءسويتىپ, 2,5 مىڭ تونناعا جۋىق ازىق-ت ۇلىك تاۋارلارىن ساقتاپ وتىر. اتالعان سەرىكتەستىكتىڭ جۇمىسىمەن تانىسقان ءوڭىر باسشىسى باعانى تۇراقتاندىرۋدا زاماناۋي قويمالاردىڭ ماڭىزدى ەكەنىن جەتكىزدى.
- بۇعان دەيىن تۇراقتاندىرۋ قورى تاۋارلارىن كەڭەس زامانىنان قالعان قويمالاردا ساقتاپ كەلدى. تالاپقا ساي كەلمەگەندىكتەن ساقتالعان تاۋارلار ەرتە ءب ۇلىنىپ, بىرقاتار شىعىندارعا ۇراناتىن. ەندى مىنە شىمكەنت قالاسىنان زاماناۋي قويما پايدالانۋعا بەرىلىپ, تاۋارلارىمىزدى ساقتاۋ مەرزىمى ۇزارىپ وتىر. قازىردىڭ وزىندە ءبىز وسىندا ساقتالعان كارتوپتاردى 85 تەڭگەدەن, ءسابىزدى 80 تەڭگەدەن, ال پيازدى 50 تەڭگەدەن ساتىلىمعا شىعارۋدامىز, - دەدى «شىمكەنت» الەۋمەتتىك كاسىپكەرلىك كورپوراتسياسى توراعاسىنىڭ ورىنباسارى ماراتبەك مىرزامۇراتوۆ.
باقتيار تايجان, «ەگەمەن قازاقستان»