بۇگىنگى وتكەن وڭتۇستىك قازاقستان وبلىستىق ءماسليحاتىنىڭ كەزەكتى ون سەگىزىنشى سەسسياسىندا 2018 جىلعى وبلىستىق بيۋدجەتتىڭ جالپى كولەمى 447,7 ملرد. تەڭگە بولىپ بەكىتىلدى. بۇل وتكەن جىلعىمەن سالىستىرعاندا 32,3 ملرد. تەڭگەگە وسكەن. بۇل جونىندە وبلىستىق دەپۋتاتتار الدىندا 2018-2020 جىلدارعا ارنالعان وبلىستىق بيۋدجەت تۋرالى بايانداعان ەكونوميكا جانە بيۋدجەتتى جوسپارلاۋ باسقارماسىنىڭ باسشىسى ارمان ءسابيتوۆ مالىمدەدى.
ونىڭ ايتۋىنشا, وبلىس بيۋدجەتىنىڭ باسىم بولىگى الەۋمەتتىك سالالارعا باعىتتالعان. ماسەلەن, ءبىلىم بەرۋ سالاسىنا جالپى 42,9 ملرد. تەڭگە قاراستىرىلسا, دەنساۋلىق ساقتاۋ سالاسىنا 19,5 ملرد. تەڭگە, حالىقتى الەۋمەتتىك قولداۋ سالاسىنا 6,9 ملرد. تەڭگە باعىتتالىپ وتىر. سونىمەن بىرگە, مادەنيەت جانە سپورت سالالارىنا 17,9 ملرد. تەڭگە بولىنسە, تۇرعىنداردى تازا اۋىز سۋمەن قامتۋ ماقساتىندا 33 جوبانى ىسكە اسىرۋ ءۇشىن 6,0 ملرد. تەڭگە قاراستىرىلعان. وسىنىڭ ناتيجەسىندە 16 جوبا ىسكە قوسىلىپ,13 ەلدى مەكەن اۋىز سۋمەن قامتىلىپ, جالپى قامتىلعان ەلدى مەكەندەر سانى 636-عا جەتەدى دەپ كۇتىلۋدە.
سونىمەن قاتار, باسقارما باسشىسى تۇرعىن ءۇي سالاسى بويىنشا 77 نىساننىڭ قۇرىلىسىنا 25,6 ملرد. تەڭگە باعىتتالىپ, جالپى الاڭى 208,6 مىڭ شارشى مەتردى قۇرايتىن 3 434 پاتەرلى 72 ءۇي پايدالانۋعا بەرىلەتىنىن اتاپ ءوتتى.
«ينجەنەرلىك - كوممۋنيكاتسيالىق ينفراقۇرىلىم سالاسى بويىنشا 20 نىساننىڭ قۇرىلىسىنا 1,9 ملرد. تەڭگە قاراستىرىلىپ, 16 نىساندى ىسكە قوسۋ جوسپارلانۋدا. حالىقتى كوگىلدىر وتىنمەن قامتۋ ماقساتىندا 67 نىساننىڭ قۇرىلىسىنا 14,4 ملرد. تەڭگە قاراستىرىلىپ وتىر. ناتيجەسىندە 28 ەلدى مەكەندەگى 64 844 ادام گازبەن قامتاماسىز ەتىلىپ, قامتىلعان ەلدى مەكەندەر سانى 372-گە جەتەتىن بولادى. جانە دە ەلەكتر ەنەرگياسى باعىتى بويىنشا 12 نىساننىڭ قۇرىلىسىنا 2,9 ملرد. تەڭگە قاراستىرىلىپ, 16 ەلدى مەكەن ساپالى ەلەكتر ەنەرگياسىمەن قامتىلادى»,-دەدى ا.ءسابيتوۆ.
سونىمەن قاتار, سەسسيا جۇمىسىندا دەپۋتاتتار وقو جەرگىلىكتى پوليتسيا قىزمەتىنىڭ باستىعى پوليتسيا پولكوۆنيگى ا.سەيدۋاليەۆتىڭ وسى جىلدىڭ 10 ايىندا اتقارعان جۇمىستارىنىڭ ەسەبىن تىڭدادى.
جالپى اعىمداعى جىلدىڭ 10 ايىندا جەرگىلىكتى پوليتسيا قىزمەتى بولىنىستەرىنىڭ تاراپىنان وبلىس اۋماعىندا قوعامدىق ءتارتىپ پەن قاۋىپسىزدىكتى قامتاماسىز ەتۋ باعىتىندا بىرقاتار ناقتى ءىس-شارالار جۇزەگە اسىرىلعانىن ايتقان پوليتسيا پولكوۆنيگى وڭىردە ورىن العان جالپى قىلمىستار 12,9 پايىزعا كەمىگەنىن جەتكىزدى. ونىڭ ىشىندە اسا اۋىر قىلمىستار 6,8 پايىزعا, اۋىر قىلمىستار 8,3 پايىزعا, توناۋ 9,7 پايىزعا, بوپسالاۋ 15,1 پايىزعا, زورلاۋ 21,5 پايىزعا, بۇزاقىلىق 33,3 پايىزعا, بوتەننىڭ مۇلكىن ۇرلاۋ 11,6 پايىزعا تومەندەگەنىن اتاپ ءوتتى.
جەرگىلىكتى پوليتسيا قىزمەتى تاراپىنان اتقارىلعان جۇمىستارعا قاناعاتتانارلىق باعا بەرگەن حالىق قالاۋلىلارى قوعامدىق ءتارتىپتى ساقتاۋ, جول قاۋىپسىزدىگىن قامتاماسىز ەتۋ جانە تۇرمىستىق قىلمىسقا قارسى ءىس-قيمىل جاساۋ جونىندەگى مىندەتتەردى جەتىلدىرۋ قاجەتتىگىن ايتتى.
ءماسليحات وتىرىسىندا قارالعان 20 ماسەلەنىڭ بارلىعىن بايىپپەن تىڭداعان وبلىس اكىمى ج.تۇيمەباەۆ بۇگىنگى سەسسيادا وبلىسىمىزدىڭ الەۋمەتتىك-ەكونوميكالىق جانە قوعامدىق-ساياسي جاعدايىنا ەداۋىر ىقپال جاسايتىن ماسەلەلەر تالقىلانعانىن جانە ءوڭىردىڭ دامۋ جولىنداعى تۋىنداپ جاتقان ماسەلەلەرگە بەي-جاي قاراماي, بەلسەندىلىك تانىتىپ وتىرعان دەپۋتاتتارعا ريزاشىلىعىن ءبىلدىردى.
«جوسپارلى كەزەڭ بيۋدجەت جوباسىن قالىپتاستىرۋ بارىسىندا ءبىرىنشى كەزەكتە شەشۋدى قاجەت ەتەتىن وزەكتى ماسەلەلەرگە ءمان بەرىلدى. كەلەسى جىلى 320 ماڭىزدى الەۋمەتتىك نىسانداردىڭ قۇرىلىسى جۇرگىزىلەتىن بولادى. 10,5 ملرد. تەڭگەگە 61 ءبىلىم بەرۋ نىساندارىنىڭ قۇرىلىسى جۇرگىزىلىپ, 46-سى ىسكە قوسىلادى, ونىڭ ىشىندە 9 اپاتتى جانە 5 ءۇش اۋىسىمدى مەكتەپتىڭ ماسەلەسى شەشىلەدى.كەلەسى جىلى اپاتتى, جالدامالى جانە ىڭعايلاستىرىلعان عيماراتتا وتىرعان 37 مەديتسينالىق پۋنكتتەردىڭ ماسەلەسى شەشىلەتىن بولادى. سونداي-اق, مەديتسينالىق ۇيىمداردى كومپيۋتەرلىك جابدىقتارمەن 100% قامتاماسىز ەتۋ ماقساتىندا 1,9 ملرد. تەڭگە جوسپارلانۋدا. ال كاسىپكەرلىكتى دامىتۋعا 7,9 ملرد. تەڭگە كولەمىندە قارجى قاراستىرىلىپ وتىر»,-دەدى ايماق باسشىسى.
سونىمەن بىرگە اكىم اۋىل شارۋاشىلىعىن قولداۋعا جالپى 25 ملرد. تەڭگەدەن استام قارجى قاراستىرىلعانىن, ونىڭ ىشىندە 22,4 ملرد. تەڭگەسى سۋبسيدياعا باعىتتالعانىن ايتتى. بولىنگەن قارجىلار اياسىندا كەلەر جىلى وبلىس ەكونوميكاسىنىڭ ءوسىمىن 2,5 پايىزعا جەتكىزۋ جوسپارلانۋدا دەدى, - ج.تۇيمەباەۆ.
سەسسيا بارىسىندا وبلىستىق ءماسليحات دەپۋتاتتارى قازاقستان رەسپۋبليكاسىنىڭ ەلورداسى – استانا قالاسىنىڭ 20 جىلدىعىنا وراي, وبلىس اكىمى جانسەيىت تۇيمەباەۆقا ەلباسىمەن بىرگە العاشقى بولىپ استاناعا قونىس اۋدارىپ, ەل ورداسى – استانانىڭ اكىمشىلىك-ىسكەرلىك ورتالىق رەتىندە قالىپتاسۋىنا, ەكونوميكالىق جانە ساۋلەتتىك دامۋىنا, حالىقارالىق ارەناداعى ابىروي-بەدەلىنىڭ ارتۋىنا سۇبەلى ەڭبەك سىڭىرگەنى ءۇشىن العىس ءبىلدىردى.
سونىمەن بىرگە, وبلىستىڭ الەۋمەتتىك-ەكونوميكالىق جانە قوعامدىق-ساياسي دامۋىنا سىڭىرگەن ەڭبەگى ءۇشىن سالالىق مادەنيەت, سپورت جانە اقپارات قىزمەتكەرلەرى كاسىپتىك وداعىنىڭ «ەڭبەك داڭقى» توسبەلگىسىمەن وبلىستىق ءماسليحاتتىڭ دەپۋتاتى نۇرالى ءابىشوۆ جانە وبلىستىڭ دامۋىنا ەرەكشە سىڭىرگەن ەڭبەگى مەن قوعامدىق ومىرگە بەلسەندى قاتىسقانى ءۇشىن وڭتۇستىك قازاقستان وبلىسىنىڭ قۇرمەت گراموتاسىمەن وبلىستىق ءماسليحات اپپاراتى تۇراقتى كوميسسيالار ءبولىمىنىڭ باس ينسپەكتورى بايان ۋتەماليەۆا ماراپاتتالدى.