ماڭعىستاۋ وبلىسىنىڭ اكىمى ەرالى توعجانوۆ اپپاراتتىق جيىندا وبلىستىق ىشكى ساياسات باسقارماسىنىڭ جاڭا باسشىسىن تانىستىردى.
بۇعان دەيىن جارتى جىل بويى باسقارما باسشىسىنىڭ ورىنباسارى قىزمەتىن اتقارعان جۇماعالي قۇرمانبەك جۇماعالي ۇلى ەندى باسقارما باسشىسى لاۋازىمىنا تاعايىندالدى.
جۇماعالي قۇرمانبەك جۇماعالي ۇلى 1985 جىلى 7 تامىزدا دۇنيەگە كەلگەن. 2008 جىلى اباي اتىنداعى قازاق ۇلتتىق پەداگوگيكالىق ۋنيۆەرسيتەتىن تامامداعان.
ماسس-مەديا جانە تەلەمەنەدجمەنت سالاسىندا 10 جىلعا جۋىق تاجىريبەسى بار.
2004-2007 جىلدار ارالىعىندا - «قازاقستان» رترك» اق-دا باعدارلامالاردىڭ رەداكتور – جۇرگىزۋشىسى;
2007-2013 جىلدارى «قازاقستان» رترك» اق-نىڭ اقپاراتتىق باعدارلامالار ديرەكتسياسىنىڭ پروديۋسەرى, «حابار» اگەنتتىگى» اق قورىتىندى جاڭالىقتار جۇرگىزۋشىسى;
2013-2014 جىلدار ارالىعىندا قاراعاندى وبلىسى اكىمدىگى ءباسپاسوز قىزمەتىنىڭ باسشىسى, قاراعاندى وبلىسى اكىمىنىڭ كەڭەسشىسى;
2014-2015 جىلدارى «قازاقستان» رترك» اق-نىڭ اقپاراتتىق-ساراپتامالىق باعدارلامالار ديرەكتسياسىنىڭ ديرەكتورى, «سەنبىلىك كەزدەسۋ» توك-شوۋىنىڭ جۇرگىزۋشىسى;
2015 جىلى «قازاقستان» رترك» اق ايماقتىق دامىتۋ ديرەكتسياسىنىڭ ديرەكتورى;
2016 جىلى قازاقستان حالقى اسسامبلەياسىنىڭ قورى قق ديرەكتورى,
2017 جىلى «الماتى» تەلەارناسى باس ديرەكتورىنىڭ ءبىرىنشى ورىنباسارى قىزمەتتەرىن اتقارعان.
ال, 2017 جىلدىڭ مامىر ايىنان باستاپ ماڭعىستاۋ وبلىستىق ىشكى ساياسات باسقارماسى باسشىسىنىڭ ورىنباسارى قىزمەتىن اتقارىپ كەلدى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى