نۇرسۇلتان نازارباەۆ تۇركيا رەسپۋبليكاسىنىڭ پرەزيدەنتى رەجەپ تايىپ ەردوعانمەن تەلەفون ارقىلى سويلەستى, دەپ حابارلايدى اقوردانىڭ ءباسپاسوز قىزمەتى.
مەملەكەتتەر باسشىلارى اڭگىمە بارىسىندا ەكىجاقتى ىنتىماقتاستىقتىڭ جانە وڭىرلىك كۇن ءتارتىبىنىڭ وزەكتى ماسەلەلەرىن تالقىلادى. اتاپ ايتقاندا, تاراپتار تۇركيانىڭ باستاماسىمەن بيىلعى 13 جەلتوقساندا ىستانبۇلدا وتكىزۋ جوسپارلانىپ وتىرعان يسلام ىنتىماقتاستىعى ۇيىمىنىڭ كەزەكتەن تىس ءسامميتى جونىندە پىكىر الماستى.
بۇدان بولەك, پرەزيدەنتتەر الداعى كەزدەسۋلەر كەستەسىن, ەكى مەملەكەت اراسىنداعى قارىم-قاتىناستاردى ودان ءارى نىعايتۋ ماسەلەلەرىن قاراستىردى.
تەلەفون ارقىلى سويلەسۋگە تۇركيا جاعى باستاماشى بولدى.