بۇگىن قر ۇلتتىق قاۋىپسىزدىك كوميتەتىنىڭ توراعاسى كارىم ءماسىموۆ قازاقستان رەسپۋبليكاسى تەرروريزمگە قارسى ورتالىعىنىڭ كەزەكتى وتىرىسىن وتكىزدى, دەپ حابارلادى كوميتەتتىڭ ءباسپاسوز قىزمەتى.
كونسۋلتاتسيالىق-كەڭەسشى ورگاننىڭ جۇمىسىنا قاۋىپسىزدىك كەڭەسى حاتشىسىنىڭ ورىنباسارى ءا. ءابدىمومىنوۆ, باس پروكۋرور ج.اسانوۆ, مينيسترلىكتەر مەن ۆەدومستۆولاردىڭ باسشىلارى, سونداي-اق اتىراۋ جانە ماڭعىستاۋ وبلىستارىنىڭ اكىمدەرى قاتىستى. كاسپي تەڭىزىنىڭ قۇرلىق قايراڭى شەگىندە ورنالاسقان وبەكتىلەرگە قاتىستى تەرروريستىك قاۋىپ-قاتەرلەرگە دەن قويۋعا مەملەكەتتىك ورگانداردىڭ ازىرلىگى ماسەلەلەرى تالقىلاندى.
تەرروريزمگە قارسى ورتالىقتىڭ باسشىسى تقو-نىڭ 2017 جىلعى جۇمىسىن قورىتىندىلادى جانە كەلەسى جىلعا ارنالعان ءبىرىنشى كەزەكتەگى مىندەتتەردى بەلگىلەدى. تقو وتىرىسىنىڭ ناتيجەلەرى بويىنشا بىرقاتار حاتتامالىق شەشىمدەر قابىلداندى.