بۇگىن ماڭعىستاۋدا تۇڭعىش رەت «تۋعان جەرگە تاعزىم» اتتى مەتسەناتتار فورۋمى ءوتتى.
شارانىڭ ماقساتى - كاسىپكەرلەر مەن حالىق مۇددەسىن ەسكەرىپ, ولاردىڭ ەڭبەك پەن ىسكەرلىك ارەكەتتەرىنىڭ بەلسەندىلىگىن ارتتىرۋ ارقىلى الەۋمەتتىك جوبالاردى ىسكە اسىرۋ. «تۋعان جەر» باعدارلاماسى اياسىندا ءوڭىردىڭ دامۋىنا ۇلەس قوسىپ, ەلدىڭ تۇراقتى ەكونوميكالىق كەڭىستىگىن قالىپتاستىرۋ.
ەلباسى نۇرسۇلتان نازارباەۆ «پاتريوتيزم كىندىك قانىڭ تامعان جەرىڭە, وسكەن اۋىلىڭا, قالاڭ مەن وڭىرىڭە, ياعني تۋعان جەرىڭە دەگەن سۇيىسپەنشىلىكتەن باستالادى» دەگەن بولاتىن. سوندىقتان بۇل فورۋم «تۋعان جەرگە تاعزىم» دەپ اتالادى.
«رۋحاني جاڭعىرۋ» باعدارلاماسى اياسىندا ۇيىمداستىرىلعان فورۋمعا وبلىس اكىمى ەرالى توعجانوۆ باستاعان مەملەكەتتىك مەكەمە باسشىلارى مەن ءوز ءوڭىرىنىڭ وركەندەۋىنە ۇلەس قوسىپ جۇرگەن مەتسەناتتار قاتىستى.
ءىس-شارا بارىسىندا اۋدان اكىمدەرى مەن ورىنباسارلارى فورۋم قوناقتارىنا الەۋمەتتىك جوبالار ۇسىنىلعان كورمەمەن تانىستىردى. ماڭعىستاۋ وبلىسىندا «تۋعان جەر» جوباسىن ىسكە اسىرۋ مەن ىلگەرلەتۋ پروتسەسىنە كاسىپكەرلەر قاۋىمى بەلسەندى اتسالىسۋدا. مەتسەناتتاردىڭ قارجىلاي قولداۋىمەن اۋىلدار اباتتاندىرىلىپ, الەۋمەتتىك نىساندار سالىنىپ جاتىر. تاريحي ەسكەرتكىشتەر مەن مادەني ورىنداردى قالپىنا كەلتىرۋگە باعىتتالعان جوبالار دا بار.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى