باستى ماقسات – ادال جولمەن جەڭىسكە جەتۋ

ءححىىى قىسقى وليمپيا ويىن­دارىنا الەمنىڭ 80-نەن استام ەلىنەن 5 مىڭداي سپورتشى قاتىسادى دەپ كۇتىلىپ وتىر. وندا 15 سپورت تۇرىنەن 102 مەدال جيىن­­تىعى ساراپقا سالىنادى. ال قازاق­­س­­تاننان وليمپياداعا 9 سپورت تۇرىنەن 62 سپورتشى سايىس­قا تۇسپەك. ۆيتسە-ءمينيستردىڭ ايتۋىن­شا, ءدال قازىر وتاندىق قۇراما كوماندانىڭ قورجىنىندا 23 وليم­پيالىق ليتسەنزيا بار. ونىڭ 10-ى بياتلوننان, 10-ى شورت-ترەكتەن, 3-ەۋى مانەرلەپ سىر­عاناۋدان. قال­عان قۇراما كوماندالار ءالى دە جارىس­تارعا قاتىسىپ, جولدامالاردى ۇتىپ الىپ جۇرگەنىن ەسكەرسەك, ونىڭ سانى ءوسۋى مۇمكىن. سەبەبى, لي­تسەن­زيالاردى يەلەنۋ مەرزىمى 2018 جىلعى 20 قاڭتارعا دەيىن جالعاسادى.

ء «بىز سپورتشىلارىمىزعا ۇلكەن ءۇمىت ارتىپ وتىرمىز. ورتا ەسەپپەن 50-گە جۋىق وليمپيالىق ليتسەنزياعا قول جەتكىزەمىز دەگەن سەنىمدەمىز. قازىر ۇلتتىق قۇرا­ما كوماندانىڭ جارىسقا ىجدا­ھات­تى دايىندالۋ كەزەڭىن ساپالى وت­كىزۋدى ۇيىمداستىرۋ, ليتسەنزيا­لىق جارىس­تاردا تابىستى ونەر كورسەتۋىنە جاعداي جاساۋ جانە وليمپياداعا كيەتىن سپورتتىق كيىمدەرىن ازىرلەۋ سەكىلدى جۇمىستار باستى نازارعا الىنعان. وسى ورايدا سپورتشىلارىمىز تۋرالى كەڭىنەن اقپارات تاراتۋ ءۇشىن جۋرناليستەرگە دە جاعداي جاسالىپ وتىرعانىن ايتقىم كەلەدى. ريوداعى تاجىريبەدەگىدەي پحەنچحاندا دا ارنايى ءباسپاسوز ورتالىعىن اشامىز. بۇل اقپارات وكىلدەرىنە وليمپيادا ورنىنان جىلدام حابار تاراتۋعا مۇمكىندىك بەرەدى», دەيدى س.مۇسايبەكوۆ.

ۆيتسە-مينيستر, سونداي-اق سپورت­شىلارىمىزدىڭ قىسقى وليم­پياداعا دوپينگتەن ادا, تازا جول­مەن بارۋىنا ايرىقشا ءمان بەرى­لىپ وتىرعانىن جەتكىزدى. ونىڭ ايتۋىنشا, بۇگىنگە دەيىن قازاقستان سپورتشىلارى بىرنەشە مارتە دو­پينگ سىناماسىن تاپسىرىپ, ول گەرمانيانىڭ درەزدەن قالاسىن­داعى زەرتحانادا تەكسەرۋدەن وتكەن. «وسى سىنامالاردىڭ ناتي­جەسى سپورتشىلارىمىزدىڭ دوپينگ­تەن تازا ەكەنىن ايعاقتايدى. وليم­پياداعا جولداما العان سپورتشىلارىمىز جارىستىڭ الدىندا تاعى دا دوپينگ سىنامالارىن تاپسىراتىن بولادى. جالپى, قازاقستان – دوپينگكە قارسى مەملەكەت. ءبىزدىڭ باستى ماقساتىمىز دا – تازا سپورت. ءبىز تەك ادال جولمەن جەڭىسكە جەتۋدى قالايمىز», دەدى ول. 

قىمبات توقتامۇرات, «ەگەمەن قازاقستان»