قاراماشى, قاداماشى كوزىڭدى! (ەت جۇرەگىم تەمىر ەمەس ءتوزىمدى) ۇشقىن ەدىم – جانىپ كەتسەم كۇيدىرەر ايا مەنى, ايا, ساۋلەم, ءوزىڭدى؟! ويلاشى ءوزىڭ, ويلاشى ءوزىڭ, اقىلدىم؟! ءۇنسىز عانا مەنى قايدا شاقىردىڭ؟ تەرەڭ سىرلى كوزدەرىڭنىڭ تۇبىنە بىرتە-بىرتە باتىپ بارا جاتىرمىن... جاۋدىراتپا ءمولدىر قارا كوزىڭدى, ايا مەنى, ايا, ساۋلەم, ءوزىڭدى! جان تۇبىندە, ۇيىقتاپ جاتقان ارىستان, بولارسىڭ مەرت, وياتپاشى سەزىمدى! ويلاشى ءوزىڭ, ويلاشى ءوزىڭ, اقىلدىم! ءۇنسىز عانا مەنى قايدا شاقىردىڭ؟ تىنىش ەدى, نەگە داۋىل تىلەدىڭ؟ نەگە مەنى تۇڭعيىققا باتىردىڭ!..
جۇماعالي ساين