قازاقستاندا سۋ رەسۋرستارىن باعالاۋدىڭ حالىقارالىق ورتالىعى اشىلدى

وتىرىستا ورتالىق ازيا ەلدەرىنىڭ ترانسشەكا­رالىق سۋ ىنتىماقتاستىعىن نىعايتۋ بويىنشا ۇسىنىستار تالقىلاندى. سونداي-اق قازاقستاندا سۋ رەسۋرستارىن باعالاۋ بويىنشا حالىقارالىق ورتالىق اشىلدى.

كەڭەستە ورتالىق ازياداعى سۋ ساياساتى سالاسىن­داعى وڭىرلىك ديالوگ تۋرالى جاڭا باستاما كوتەرىلدى. ول 2018 جىلى بىرىككەن ۇلتتار ۇيىمىنىڭ ەۋروپالىق ەكونوميكالىق كوميسسياسىنىڭ ترانسشەكارالىق اعىن سۋلار مەن حالىقارالىق كولدەردى قورعاۋ جانە پايدالانۋ جونىندەگى كونۆەنتسياسى تاراپتارى كەڭەسىنىڭ سەگىزىنشى سەسسياسىنا ۇسىنىلاتىن بولادى.

استا­ناداعى كەڭسەسىنىڭ اشىلۋى وڭىرلىك ديا­لوگ­تىڭ­ تيىمدىلىگىن ارتتىرۋدا جانە سۋ پرو­بلەمالارى بويىنشا حالىقارالىق ۇيىمدارمەن ىن­تىماق­تاستىقتى كەڭەيتۋدە تاعى ءبىر قادام بولدى. ورتا­لىقتىڭ قازاقستانداعى قىزمەتى وڭىرلىك جانە جاھان­دىق سۋ پروبلەمالارى بويىنشا حالىقارالىق عىلىمي ورتالىققا اينالۋعا مۇمكىندىك بەرەدى جانە الەمدىك قاۋىمداستىققا ءوز ۇلەسىن قوسادى, دەپ اتاپ ءوتتى مينيسترلىك وكىلدەرى.

ەسكە سالا كەتەيىك, ترانسشەكارالىق اعىن سۋلار مەن حالىقارالىق كولدەردى قورعاۋ جانە پايدالانۋ تۋ­­را­لى كونۆەنتسيا (سۋ كونۆەنتسياسى) 1992 جىلعى 17 ناۋرىزدا حەلسينكيدە (فينليانديا) قابىلدانىپ, 1996 جىلى كۇشىنە ەنگەن. قازاقستان 2000 جىلعى 23 قازاندا اتالعان كونۆەنتسياعا قوسىلدى. ورتالىق ازيا ەلدەرىنەن كونۆەنتسيانىڭ تاراپتارى قاتارىنا رەسەي, وزبەكستان جانە تۇرىكمەنستان دا ەنگەن. سۋ كونۆەنتسياسى قابىلدانعان شەشىمدەردىڭ ورىندالۋىن جەڭىلدەتۋ ءۇشىن بىرقاتار قوسالقى تەتىكتەردى پايدالانادى. سونىڭ ءبىرى – حالىقارالىق سۋدى باعالاۋ ورتالىعى (حسبو). حسبو – سۋ رەسۋرستارىن باسقارۋ ماسەلەسى بويىنشا عالىمدار مەن ساياساتكەرلەردى بىرىك­تىرۋ ماقساتىندا قۇرىلعان.

قازاقستاندا ۇلتتىق ديالوگ (سسۇد) پروتسەسى 2012 جىلى باستالدى. سسۇد قىزمەتىن جانە وعان باسشىلىق جاساۋدى قازاقستان رەسپۋبليكاسى پرەمەر-ءمينيس­ترىنىڭ شەشىمىمەن كونسۋلتاتيۆتىك-كەڭەسشى ورگان رەتىندە قۇرىلعان ۆەدومستۆوارالىق ۇيلەستىرۋ كەڭەسى جۇزەگە اسىرادى. قازاقستان رەسپۋبليكاسىنىڭ اۋىل شارۋاشىلىعى مينيسترلىگى ۆەدومستۆوارالىق ۇيلەس­تىرۋ كەڭەسىنىڭ جۇمىس ورگانى (حاتشىلىعى) بولىپ تابىلادى.

سۇڭعات ءالىپباي, «ەگەمەن قازاقستان»م