2017 جىلعى 4-9 جەلتوقسان ارالىعىندا قازاقستان رەسپۋبليكاسىنىڭ قارۋلى كۇشتەرىندە اسكەريلەردىڭ جاۋىنگەرلىك ازىرلىگى ماسەلەلەرى بويىنشا تاكتيكالىق-ساپتىق ساباقتار وتكىزىلەدى.
بۇل ساباقتاردىڭ ماقساتى – قارۋلى كۇشتەردىڭ حابارلاندىرۋ جۇيەسىن تەكسەرۋ, جاۋىنگەرلىك ازىرلىكتىڭ جوعارى دارەجەسىن جۇرگىزۋ بارىسىندا اسكەرلەردى باسقارۋ كەزىندەگى باسقارما (شتابتاردىڭ) ورگاندارىنىڭ ۇيلەسىمدىلىگىن ارتتىرۋ جانە ماقسات بويىنشا تاپسىرمالاردى ورىنداۋ, جيناقتاۋشى جەرگىلىكتى اسكەري باسقارۋ ورگاندارىمەن, وزگە دە اسكەرلەر مەن اسكەري قۇرالىمدارمەن ءوزارا ءىس-قيمىلعا قولداۋ كورسەتۋ.
2018 جىلى اسكەرلەردىڭ دايىندىعىندا نەگىزگى كۇش اسكەري باسقارۋ ورگاندارى مەن اسكەرلەردىڭ جاۋىنگەرلىك جانە جۇمىلدىرۋ دايارلىعىن قولداۋعا شوعىرلاندىرىلماق. سونىمەن بىرگە 2017-2020 جىلدارعا ارنالعان قازاقستان رەسپۋبليكاسىنىڭ ۇلتتىق قاۋىپسىزدىك ستراتەگياسى جانە قازاقستان رەسپۋبليكاسىنىڭ اسكەري دوكتريناسىندا ايقىندالعان تاپسىرمالار شەڭبەرىندە اسكەرلەردىڭ (كۇشتەردىڭ) جاۋىنگەرلىك قابىلەتىن ارتتىرۋ بويىنشا كەشەندى ءىس-شارالار قابىلداۋ جوسپارلانۋدا.
قارۋلى كۇشتەردىڭ قۇرامالارى مەن بولىمدەرىندە تاكتيكالىق-ساپتىق ساباقتار جاڭا وقۋ جىلىنا ارنالعان سالتاناتتى ساپ تۇزەۋلەر مەن ميتينگىلەر وتكىزۋدەن باستالدى. ساباقتار «قاراپايىمنان كۇردەلىگە دەيىن» پرينتسيپىمەن وتكىزىلەتىن بولادى. اسكەرلەردە قاتارداعى جاۋىنگەردەن باستاپ گەنەرالعا دەيىن, بارلىق دەڭگەيدەگى شتابتاردىڭ قاتىسۋىمەن, جاۋىنگەرلىك تەحنيكالاردى شىعارۋ جانە دالالىق جاساقتاۋ پۋنكتتەرىن قۇرۋ بويىنشا جاۋىنگەرلىك ازىرلىك ماسەلەلەرى پىسىقتالاتىن بولادى. قازاقستان قارۋلى كۇشتەرى اسكەري قىزمەتشىلەرى جاۋىنگەرلىك دايىندىقتاردى ۇيىمداستىرۋ جانە اسكەرلەردى باسقارۋ بويىنشا ءىس-قيمىلداردى تاجىريبە تۇرىندە ورىندايدى. ساباقتار بولىمشەلەر مەن ۆزۆودتار, روتالار مەن باتالوندار, اسكەري بولىمدەر, وڭىرلىك قولباسشىلىقتار (اسكەر تەكتەرى), ودان سوڭ اسكەر تۇرلەرى دەڭگەيىندە جانە قارۋلى كۇشتەر كولەمىندە وتكىزىلەتىن بولادى. ەسكە سالار بولساق, 2018 وقۋ جىلى قازاقستان رەسپۋبليكاسىنىڭ قارۋلى كۇشتەرىندە « ۇلى دالا اسكەرى – ماڭگىلىك ەل تىرەگى!» ۇرانىمەن وتكىزىلمەكشى.
قايرات جۇنىس ۇلى