سوزدەن ىسكە كوشكەن ءجون

«نۇر وتان» پارتياسى وب­لىستىق فيليالىندا وتكەن پارتيالىق تىڭداۋ بارىسىندا «نۇرلى جول» مەملەكەتتىك باع­دارلاماسىنىڭ ورىندالۋى باستى تاقىرىپ ارقاۋىنا اينا­لىپ, ەنەرگەتيكا جانە تۇرعىن ءۇي-­كوممۋنالدىق شارۋا­شىلىق باسقارماسى باسشىسىنىڭ ورىن­باسارى ادىلبەك اۋباكىروۆ­تىڭ ەسەبى تىڭدالدى. ول ءوز سو­زىن­دە باعدارلاما شەڭبەرىندە 10 جوبا قولعا الىنعانىن, وعان 6 ميلليارد تەڭگە قاراجات قاراس­تىرىلعانىن, جوسپارلى جۇمىستاردىڭ 68 پايىزى يگە­رىل­گەنىن ايتا كەلىپ, 2020 جىل­عا قاراي توزىعى جەتكەن سۋمەن جانە جىلۋمەن قامتۋ جە­لى­لەرى رەتكە كەلتىرىلەتىنىن جەت­كىزدى. وبلىستىق ءماسليحات­تىڭ دەپۋتاتى سەرگەي تيمو­فەەۆ­­تى ونىڭ مالىمدەمەسى قا­نا­­عاتتاندىرماسا كەرەك, ول اڭگىمەنى قاتقىل باستادى. الاي­دا, وبلىس تۇرعىندارىنىڭ ين­فرا­قۇرىلىم جۇمىستارىن اتقاراتىن مەردىگەرلەرگە كوڭىل­دەرى تولمايدى. اسىرەسە ساپا جا­يىنا قاتىستى شاعىمدار از­ ەمەس.

قۇبىرلار جوندەلگەن سوڭ­ جولدار مەن كوشەلەر نەگە تۇزەل­مەيدى دەگەن سۇراعىنا ناقتى جا­ۋاپ بەرىلمەدى. كەيبىر كوشەلەر بىر­نە­شە جىلدان بەرى ويدىم-ويدىم قالپىندا تۇر. ماشاقاتىن سول ماڭايداعى ادامدار تارتىپ ءجۇر. ءتيىستى ورىندار سىننان ءتيىستى قورى­تىن­دى شىعارۋدىڭ ورنىنا كى­نا­نى وزگەلەرگە اۋدارۋعا اۋەس. ءا. اۋباكىروۆكە گرافيك بويىنشا جۇ­زەگە اسىرىلاتىن جوندەۋ شارالارىنىڭ تىزبەسىن جاساۋ, قاتاڭ باقىلاۋدى شيراتۋ مىندەتتەلدى.

«قازاۆتوجول» ۇك» اق وب­­­لىس­­­تىق بولىمشەسىنىڭ جە­تەك­­­شىسى بولاتبەك ايتباەۆ «كو­لىك­تىك-لوگيستيكالىق ين­فرا­قۇرىلىمدى دامىتۋ» باعدارلاماسىن بايانداپ, اۋقىمدى ءۇش جوبانىڭ بى­رەگەيى رەتىندە «استانا-پەترو­پاۆل-قورعان» ترانزيتتىك ءدالى­زىن اتادى. بۇل ماقسات ءۇشىن­ ەل قازى­ناسىنان قوماقتى قارجى ءبولىنىپ, جاڭا تەحنولوگيا قولدانىلۋدا. الداعى ءۇش جىل ىشىندە 6,7 مىڭ شاقىرىم اۆتو­موبيل جول­دا­رىن سالۋ, قالپىنا كەلتىرۋ بەلگىلەنگەن. بۇقار جىراۋ كو­شە­سىندەگى وتپەلى كوپىردىڭ كە­لەسى جى­لى ىسكە قوسىلاتىنى بەل­گىلى بول­دى.

پارتيالىق تىڭداۋدا اۋىر جۇك كولىكتەرىنىڭ قوزعالىسىنا باقىلاۋ ورناتۋ تاپسىرىلدى. 

ءومىر ەسقالي, «ەگەمەن قازاقستان»

سولتۇستىك قازاقستان وبلىسى