قازاقستان تەننيس فەدەراتسياسى بۇگىن 2017 جىلدى قورىتىندىلاپ, جىل ۇزدىكتەرىن ماراپاتتادى. القالى جيىنعا فەدەراتسيا باسشىسى بولات وتەمۇراتوۆتىڭ ءوزى قاتىستى.
تەننيس فەدەراتسياسى مىنا اتالىم بويىنشا 2017 جىلدىڭ ۇزدىكتەردى انىقتاعان. ولار: «12 جاسقا دەيىنگى ۇزدىك ويىنشى, «14 جاسقا دەيىنگى ۇزدىك ويىنشى», «12 جاسقا دەيىنگى سپورتشىلاردىڭ ۇزدىك باپكەرى», «14 جاسقا دەيىنگى سپورتشىلاردىڭ ۇزدىك باپكەرى», «14 جاستان جوعارى سپورتشىلاردىڭ ۇزدىك باپكەرى» جانە تاعى باسقا بىرنەشە اتالىم بويىنشا جىل بويى ۇزدىك ونەر كورسەتكەن سپورتشىلارعا سىيلىقتار تابىستالدى.
جىل قورىتىندىسى سوڭىندا فەدەراتسيا باسشىسى بولات وتەمۇراتوۆ ءوز پىكىرىن ءبىلدىردى. «بيىل ءبىز 10 جىلدىعىمىزدى تويلادىق. وسى ۋاقىت ارالىعىندا اۋىز تولتىرىپ ايتاتىن ءبىراز جەتىستىكتەرىمىز بولدى. سونداي-اق, تەننيس سپورتىن دامىتۋ ماقساتىندا بىرقاتار ماڭىزدى ءىس-شارالار وتكىزدىك. اتاپ ايتار بولساق, ينفراقۇرىلىمدى دامىتتىق, باپكەرلەردىڭ بىلىكتىلىگىن ارتتىردىق جانە بىرقاتار ماڭىزدى حالىقارالىق جارىستار وتكىزدىك. تەننيستىڭ دامۋى وسى ءۇش ماسەلەگە كەلىپ تىرەلەتىنى بارشاڭىزعا بەلگىلى», دەدى ول.