استانا اكىمدىگى قالا تۇرعىندارىن وزەن ارقىلى وتەلەتىن وتكەلدەردە جاياۋ ءجۇرىپ جانە مۇز ۇستىندە بالىق اۋلاۋدان باس تارتۋعا شاقىرادى, دەپ حابارلايدى ەلوردا اكىمدىگىنىڭ مەديا ورتالىعى.
اۋا تەمپەراتۋراسىنىڭ تومەندەۋىنە بايلانىستى استانانىڭ سۋ قويمالارى مۇزدىڭ جىڭىشكە قاباتىمەن قاپتالىپ, تۇرعىندار مۇز ۇستىندە تۇرىپ بالىق اۋلاي باستادى.
وسىعان وراي قۇتقارۋشىلار سۋ بەتى تولىق قاتپايىنشا بالىق اۋلاۋدان باس تارتىپ, قاۋىپسىزدىك شارالارىن ساقتاۋعا شاقىرادى.
قازىرگى كۇنى مۇزدىڭ قالىڭدىعى بىرنەشە سانتيمەتردى قۇرايدى. مۇزدىڭ مۇنداي قاباتى ادامنىڭ سالماعىن كوتەرە الماي سونى قايعىلى جاعدايعا اكەلۋى مۇمكىن.
قالالىق تجد بويىنشا دەپارتامەنتى قايعىلى جاعدايدىڭ الدىن الۋ ءۇشىن بالىقشىلاردى مۇز ۇستىندە تۇرىپ بالىق اۋلاۋدان باس تارتۋعا جانە قالا تۇرعىندارى مەن قوناقتارىن وزەندى مۇز ۇستىمەن ءجۇرىپ وتپەۋگە شاقىرادى.