تۇڭعىش پرەزيدەنت كۇنى مەرەكەسى قارساڭىندا «بك-ستروي» قۇرىلىس كومپانياسىنىڭ ديرەكتورى يگور كيم پوليتسيا كاپيتانى بەرىك كەڭەسباەۆتىڭ وتباسىنا جاڭا ۇيدەن ەكى بولمەلى پاتەردىڭ كىلتىن تاپسىردى. بۇل جونىندەگى شەشىم وبلىستىق ىشكى ىستەر دەپارتامەنتىندەگى كوميسسيا وتىرىسىندا ءبىر اۋىزدان قابىلداندى.
وبلىستىق ىشكى ىستەر دەپارتامەنتى باستىعىنىڭ ورىنباسارى, پوليتسيا پولكوۆنيگى مەرەكە الشاعىروۆتىڭ ايتۋىنشا, مۇنداي شەشىم ءۇشىن داۋىس بەرۋ ىشكى ىستەر دەپارتمامەنتى ءبولىمى ارداگەرلەرىنىڭ, دەپارتمامەنت قىزمەتكەرلەرى مەن جەتەكشىلەرىنىڭ قاتىسۋىمەن اشىق ءوتتى. قوستاناي قالالىق ىشكى ىستەر باسقارماسى اكىمشىلىك پوليتسياسى ءبولىمىنىڭ قىزمەتكەرى بەرىك كەڭەسباەۆ 2012 جىلى «ەرلىگى ءۇشىن» مەدالىمەن ماراپاتتالعان بولاتىن. سول جىلى وبلىستىق «جاستاردىڭ التىن كىتابىنا» ەسىمى ەنگىزىلدى. مۇنداي بيىك باعا بەرىككە ءوزىنىڭ ارىپتەستەرى ەرىك قويانباەۆ, ەرلان جاسادىلمەن بىرگە ءۇش قىزدى سۋدان قۇتقارعانى ءۇشىن بەرىلگەن بولاتىن. پوليتسەي قازىر استانا قالاسىنداعى ونكولوگيالىق كلينيكادا ەمدەلىپ ءجۇر. ول ەكى ۇلى, ايەلىمەن قارت اتا-اناسىمەن بىرگە تۇرادى, ءوزىنىڭ باسپاناسى جوق.
ء«بىز ءومىردىڭ قيىن ساتتەرىندە پوليتسەيلەر مەن ولاردىڭ وتباسىن قيىن جاعدايدا قالدىرمايمىز. كوپ جىلعى ءداستۇر بويىنشا قىزمەتتىك تاپسىرما كەزىندە مەرت بولعان پوليتسەيلەردىڭ وتباسىنا, ارداگەرلەرگە كومەك بەرىپ وتىرامىز. بۇل ءبىزدىڭ پارىزىمىز», دەدى مەرەكە الگشاعىروۆ.
پوليتسەيدىڭ اكەسى مەيرام كەڭەسباەۆ كاسىپكەر يگور رومانوۆيچ كيمگە, وبلىستىق ىشكى ىستەر دەپارتامەنتىنىڭ باستىعى بەكەت ايماعامبەتوۆكە جانە ىشكى ىستەر ورگانىنىڭ جەكە قۇرامىنا ۇلگىلى ۇلىنىڭ ەڭبەگىن باعالاعانى ءۇشىن العىس ايتتى.
ءنازيرا جارىمبەتوۆا,
«ەگەمەن قازاقستان»
قوستاناي