جاڭا əلەۋمەتتىك نىساندار وبلىس ورتالىعىمەن قاتار اۋدانداردا دا پايدالانۋعا بەرىلدى, - دەپ حابارلايدى اتىراۋ وبلىستىق وڭىرلىك كوممۋنيكاتسيالار قىزمەتى.
اشىلعان نىساندار قاتارىندا يندەر اۋدانى قۇرىلىس اۋىلىنداعى 100 ورىندىق ورتا مەكتەپ پەن يندەر پوسەلكەسىندەگى 290 ورىندىق بالاباقشا, اتىراۋ قالاسى جۇمىسكەر پوسەلكەسىندەگى مəدەنيەت ءۇيى, جىلىوي اۋدانى جاڭاقورعان, شوقپارتوعاي, اقكيىزتوعاي اۋىلدارىندا ءۇش دەنە شىنىقتىرۋ-ساۋىقتىرۋ كەشەنى بار.
جالپى بيىل ايماقتا قۇرىلىس قارقىنى مەن پايدالانۋعا بەرىلگەن əلەۋمەتتىك نىساندار مەن ينفراقۇرىلىم قاتارى كوپ بولدى. سىيىمدىلىعى 1355 ورىندىق 7 بالاباقشا, 1608 وقۋشىعا ارنالعان 5 مەكتەپ اشىلدى, ەكى مەكتەپ كۇردەلى جوندەۋدەن ءوتتى. وبلىس ورتالىعىندا ينفەكتسيالىق اۋرۋحانا ىسكە قوسىلدى, ال يندەر اۋدانى كوكتوعاي اۋىلىنىڭ تۇرعىندارىن جاڭا وتباسىلىق امبۋلاتوريانىڭ اشىلعانى قۋانىشقا بولەدى. ءۇش مəدەني نىسان سالىندى - جانباي, جۇمىسكەر اۋىلدارىندا 200 ورىندىق 2 مəدەنيەت ءۇيى, يندەر پوسەلكەسىندە مəدەنيەت ءۇيى.
ايماق بيىل 5 سپورت نىسانىمەن تولىقتى. تۇرعىندار يگىلىگىنە اتىراۋ, اقجار اۋىلدارىندا دەنە شىنىقتىرۋ-ساۋىقتىرۋ كەشەندەرى بەرىلدى. جىلىوي اۋدانىندا ءۇش نىسان اشىلدى. --