تانىمال سۋىرىپ سالما اقىن اسەت نايمانباەۆتىڭ 150 جىلدىعىنا وراي 28 قاراشا كۇنى استانا قالاسى مەملەكەتتىك اكادەميالىق فيلارمونياسىنىڭ حالىق ءان ءبولىمى مەن «سارىارقا» حالىق مۋزىكا ءانسامبلى «اسسەتتەي سال, ءان سالساڭ» كونتسەرتىن ۇسىنادى.
قازاق حالقىنىڭ مۋزىكالىق مادەنيەتىن دامىتۋ, دارىپتەۋ جانە ساقتاۋ ماقساتىندا «رۋحاني جاڭعىرۋ» باعدارلاماسىنىڭ اياسىندا وتكەلى وتىرعان كەشتە باي ارقا ءداستۇرىنىڭ ەڭ ۇزدىك ۇلگىلەرى, ەرەكشە ورىنداۋشىلىق شەبەرلىكتى قاجەت ەتەتىن اسەت نايمانباەۆتىڭ اندەرى ورىندالادى. ولاردىڭ ىشىندە اسەت نايمانباەۆ اتىنداعى ء«ىنجۋ-مارجان» رەسپۋبليكالىق ءداستۇرلى ورىنداۋشىلار بايقاۋىنىڭ گران-پري يەگەرى جاقسىگەلدى ماياساروۆ تا بار.
اسەت نايمانباەۆ (1867–1922) – قازاقتىڭ كورنەكتى سۋىرىپ سالما اقىنى, ءانشى جانە كومپوزيتور. ۇلى ابايدىڭ ءوزى وقۋشىسىنىڭ تالانتىن اۋەنىنىڭ اسەمدىگى, پوەزيالىق دارىندىلىعى مەن كەرەمەت ورىنداۋشىلىعى جاعىنان جوعارى باعالاعان.
ءبىرجان سال سەكىلدى اسەت نايباەۆ تا قوياندى جارمەڭكەسىندە ونەر كورسەتكەن. بۇل ونىڭ تاريحقا ەنگەن ەڭ اتىشۋلى جەڭىستەرىنىڭ ءبىرى - رىسجانمەن ايتىسى. بۇل ايتىس ەركىندىگى, ءساتتى مەتافورالارى مەن پوەزيالىق قۇرىلىمى ءۇشىن م.اۋەزوۆ پەن س.مۇقانوۆتىڭ جوعارى باعاسىن الدى.
اسەت نايمانباەۆتىڭ شىعارماشىلىق مۇراسىنداعى پوەزيالىق جانە مۋزىكالىق شىعارمالارى بىردەي باعالانادى. ء «ۇش جەتىم قىز» جانە «اعاش ات» پوەمالارى, «ينجۋ-مارجان», «ماقپال», «ۇلكەن ارداق», «قىسمەت» جانە ت.ب. اندەرى قازاق حالقىنىڭ باعا جەتپەس رۋحاني مۇراسىن قۇرايدى.