كەزدەسۋدە قازاقستان پرەزيدەنتىنىڭ كەلەسى جىلدىڭ باسىندا امەريكا قۇراما شتاتتارىنا جاسالاتىن ساپارىنا قاتىستى جۇرگىزىلىپ جاتقان دايىندىق بارىسى جونىندە مەملەكەت باسشىسىنا باياندالدى, دەپ حابارلايدى اقوردانىڭ ءباسپاسوز قىزمەتى.
نۇرسۇلتان نازارباەۆ الداعى ساپاردىڭ ماڭىزدىلىعىنا توقتالىپ, ونىڭ اياسىندا جوعارى دەڭگەيدە بىرقاتار ماڭىزدى كەزدەسۋلەر ءوتىپ, بۇۇ قاۋىپسىزدىك كەڭەسىنىڭ جۇمىسىنا قاتىسۋ جوسپارلانىپ وتىرعانىن ايتتى.
مەملەكەت باسشىسى كەزدەسۋ سوڭىندا بىرقاتار ناقتى تاپسىرما بەردى.