بۇگىن استاناداعى ەلباسى كىتاپxاناسىندا «نۇرسۇلتان نازارباەۆ. بيوگرافيا» كىتابىنىڭ ازەربايجان تىلىنە اۋدارماسىنىڭ تۇساۋكەسەر ءراسىمى ءوتتى, دەپ حابارلايدى Egemen.kz.
كىتاپتى ازەربايجان تىلىنە حالىقارالىق تۇركى اكادەمياسىنىڭ ۇسىنىسىمەن بەلگىلى جۋرناليست, ي.گاسپىرالى اتىنداعى سىيلىقتىڭ لاۋرەاتى ايدا ەيۆازوۆا اۋداردى.
«مەن تۇركى الەمى ءۇشىن ايگىلى تۇلعا تۋرالى كىتاپتى اۋدارۋ باقىتىنا يە بولىپ وتىرعانىما وتە قۋانىشتىمىن. نۇرسۇلتان ءابىش ۇلى – الەم ادامى. كىتاپتى اۋدارىپ وتىرىپ ۇلى تۇلعادان ساباق العانداي اسەردە بولدىم», - دەيدى ايدا ەيۆازوۆا.
كىتاپتىڭ تۇساۋىن كىتاپتىڭ اۆتورى قر پرەزيدەنتى كەڭسەسىنىڭ باستىعى, تۇڭعىش پرەزيدەنت - ەلباسى كىتاپحاناسى ديرەكتورىنىڭ مىندەتىن اتقارۋشى, پروفەسسور ماحمۇد قاسىمبەكوۆ پەن ازەربايجان رەسپۋبليكاسى پرەزيدەنتىنىڭ قوعامدىق-ساياسي ماسەلەلەر جونىندەگى كومەكشىسى ءالي گاسانوۆ كەستى.
«كەيبىر ۇلى تۇلعالاردىڭ ءومىرى بۇكىل حالىقتىڭ تاريحي ءومىرىن تىڭ ارناعا بۇرىپ جاتادى. ازەربايجان حالقىنىڭ باسشىلىعىنا قيىن-قىستاۋ كەزەڭدە جالپىۇلتتىق كوشباسشى گەيدار اليەۆ كەلسە, قازاقتىڭ باعىنا نۇرسۇلتان نازارباەۆ باسشى بولدى. ول توقسانىنشى جىلدارى قازاقتاردى تيتۋلدى ۇلت رەتىندە كوتەردى. «نۇرلى كوش» باعدارلاماسى ارقىلى شەتتەگى قازاقتاردى تاريحي وتانىنا شاقىردى. قازاقستاندا ازەربايجان ازاماتتارى وزگەمەن تەڭ ءومىر ءسۇرىپ, ساياسي جانە قوعامدىق جۇمىستارعا بەلسەنە اتسالىسىپ كەلەدى. قازاقستان حالقى اسسامبلەياسى ينستيتۋتىن قۇرعان نۇرسۇلتان ءابىش ۇلىنىڭ ەڭبەگ ەرەكشە», دەدى ءالي گاسانوۆ.
تۋىندى 2012 جىلى جارىق كورگەننەن باستاپ ورىس, اعىلشىن, ۆەنگر, اراب, نەمىس, سەرب جانە فرانتسۋز تىلدەرىنە اۋدارىلعان بولاتىن. كىتاپ نۇرسۇلتان نازارباەۆتىڭ ءومىرى مەن قىزمەتىن رەسمي تاريحي-ومىرباياندىق تۇرعىدان زەرتتەۋدەگى العاشقى تاجىريبەنى ۇسىنادى. وندا قاراپايىم اۋىل بالاسىنان ۇلت كوشباسشىسىنا دەيىنگى جولى ەگجەي-تەگجەيلى قاراستىرىلعان. حح-ءححى عاسىرلار توعىسىنداعى قازاقستاننىڭ دامۋىن درامالىق جانە ەلەۋلى وقيعالار, ۇدەرىستەر, تاريحي وتكەنگە شولۋمەن باياندايتىن ەلباسىنىڭ ساياسي ومىرىنە ەرەكشە دەن قويىلعان. كەڭەيتىلگەن اۋقىمدى مۇراعاتتىق ماتەريالدار نەگىزىندە دايىندالعان ەلباسى ءومىربايانى قازاقستاننىڭ جاڭا تاريحى بويىنشا ماڭىزدى قۇجاتتىق دەرەككوز بولىپ تابىلادى. وندا ماعىنالى فوتوسۋرەتتەر, ماتەريالدارىمەن قاتار, العاش رەت تاريحي تۇرعىدا سيپاتتالعان وقيعالارعا كوز جۇگىرتۋگە مۇمكىندىك بەرەتىن جەكە قۇجاتتاردىڭ تۋرا كوشىرمەسى ۇسىنىلعان.