اقتوبەلىك كاسىپكەر ەربول بايجارقىنوۆ ستۋدەنتتەرگە ارنالعان تەگىن اسحانا اشتى.
ستۋدەنتتىك بيلەتپەن كەلگەن ادام بۇل اسحانادا تاڭعى جانە تۇسكى استى تەگىن ىشە الادى. 50 ورىنعا ارنالعان اتالعان كافە-اسحانا اپتانىڭ التى كۇنىندە تاڭەرتەڭگى 7.00 دەن كەشكى ساعات 17.00-گە دەيىن جۇمىس ىستەيدى. مۇندا ءبىر كۇندە ءبىر مىڭعا دەيىن ستۋدەنت اۋقاتتانىپ شىعا الادى. سونىمەن بىرگە ماتەريالدىق جاعدايى جوعارى ستۋدەنتتەر ءۇشىن اقىلى داستارحان ءمازىرى تۇرلەرى دە بار.
تەگىن تاماقپەن بىرگە «نۇرداۋلەت» جەكە كاسىپورىننىڭ يەسى ە.بايجارقىنوۆ ءار سەنبى سايىن وسى اسحانا عيماراتىندا ستۋدەنتتەردىڭ اقتوبەلىك بيزنەسمەندەرمەن كەزدەسۋ كەشتەرىن ۇيىمداستىرۋدى جولعا قويعان. ولار وسى كەزدە بولاشاق مامان يەلەرىنە بيزنەستى قالاي باستاعاندارى تۋرالى ايتىپ, اتاجىريبەلەرىمەن بولىسەدى.
"مۇنداعى مەنىڭ قاعيدام – بۇگىنگى ستۋدەنتتەردىڭ اراسىنان كەيىن وزىنە دە, ەلىنە دە تابىس, پايدا جانە كىرىس كەلتىرە الاتىن تۇلەكتەر شىعاتىنى انىق. مەيلى كوپ بولماي-اق قويسىن, ءتىپتى ون ساۋساقتىڭ سانىنداي-اق بولسىنشى. وسىنىڭ ءوزى جەتەدى. مول تابىسقا قول جەتكىزگەن كەزدە ولار وزگەلەرگە كومەكتەسۋ قاجەتتىگىن ۇعىنسا ەكەن دەگەن ويمەن وسى ءىستى قولعا الدىم. مۇمكىن بىرەۋ تۇسىنەر, بىرەۋ تۇسىنبەس. قايىرىمدىلىق جاساۋدىڭ دا ادامعا سىيلايتىن سوزبەن ايتىپ جەتكىزگىسىز ءوز ءلاززاتى بولادى. مەن سونى سەزىنىپ ءجۇرمىن", دەدى ەربول بايجارقىنوۆ.
تەمىر قۇسايىن,
"ەگەمەن قازاقستان"
اقتوبە