ورتالىق كوممۋنيكاتسيالار قىزمەتىندە «جاڭا ۇلى جىبەك جولى» حالىقارالىق ەكسپەديتسياسىنا ارنالعان ءباسپاسوز-كونفەرەنتسيا ءوتتى.
ءىس-شاراعا مادەنيەت جانە سپورت مينيسترلىگى مادەنيەت جانە ىستەر دەپارتامەنتى ديرەكتورى الماز نۇرازقان, قازاقستان رەسپۋبليكاسىنداعى پولشانىڭ توتەنشە جانە وكىلەتتى ەلشىسى سەليم حازبيەۆ, ەكسپەديتسيا جەتەكشىسى – پولياك ساياحاتشىسى جانە زەرتتەۋشى ياتسەك پالكەۆيچ, قر مادەنيەت جانە سپورت مينيسترلىگىنىڭ قازاق عىلىمي-زەرتتەۋ مادەنيەت ينستيتۋتىنىڭ ديرەكتورى حازبۋلاتوۆ اندرەي جانە «Kazakh Tourism» ۇلتتىق كومپانياسى» اق باسقارما توراعاسىنىڭ ورىنباسارى دۇيسەنگاليەۆ تيمۋر قاتىستى.
سپيكەرلەر ەكسپەديتسيا ءساۋىر ايىندا قىتايدان اتتانىپ, ماۋسىمدا پولشادا مارەسىنە جەتەتىنىن مالىمدەدى.
«جاڭا جىبەك جولى - 2018» حالىقارالىق ەكسپەديتسياسى» - استانانىڭ 20 جىلدىق مەرەيتويى اياسىندا ىسكە اسىرىلاتىن جوبا. سونىمەن قاتار, شارا تاريحشىلار, ارحەولوگتار مەن ەتنوگرافتاردىڭ قاتىسۋىمەن, ەلباسىنىڭ «بولاشاققا باعدار:رۋحاني جاڭعىرۋ» باعدارلامالىق ماقالاسى اياسىندا ىسكە اسىرىلىپ, «قازاقستاننىڭ قاسيەتتى گەوگرافياسى» جوباسىمەن ساباقتاسادى. بۇگىنگى كۇنى, ءبىز وسى باعىتتا ۇلكەن جۇمىس جۇرگىزدىك. مادەني-تاريحي بەلدەۋگە كىرەتىن نىسانداردىڭ ءتىزىمى جاسالدى, قازاق عىلىمي زەرتتەۋ-مادەنيەت ينستيتۋتى قۇراستىرعان ۆيرتۋالدى كارتا ىسكە قوسىلدى. جوسپارلانعان ەكسپەديتسيانىڭ ناتيجەلەرى مادەني مۇرامىزدى تولىقتىرۋعا مۇمكىندىك بەرەدى» - دەپ اتاپ ءوتتى الماز نۇرازحان.
سونىمەن قاتار سپيكەرلەر ەكسپەديتسيانىڭ بارىسىن بارلىق قاتىسۋشى ەلدەر باقىلاي الاتىنىن, قۇرامى مەن باعىتى تۋرالى اقپاراتتى جانە وسى تاقىرىپ بويىنشا بارلىق جاڭالىقتار http://silkroad-2017.com ەكسپەديتسيانىڭ رەسمي سايتىندا جاريالاناتىنىن مالىمدەدى.