«استانا» – «ۆيلياررەال» ويىنى كەزىندە جانكۇيەرلەر ارنايى قوعامدىق كولىكپەن قامتاماسىز ەتىلەدى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
ارنايى اۆتوبۋستاردىڭ ءجۇرۋ اقىسى – 90 تەڭگە, ءجۇرۋ بيلەتتەرى مەن جەڭىلدىگى بار بيلەتتەر جارامسىز, دەپ حابارلايدى استانا قالاسى اكىمدىگىنىڭ مەديا ورتالىعى.
«استانا» – «ۆيلياررەال» كوماندالارى اراسىندا فۋتبول ماتچى جانكۇيەرلەرىن كولىكپەن قامتاماسىز ەتۋ ماقساتىندا 2017 جىلدىڭ 23 قاراشاسىندا «استانا ارەنا» ستاديونىنا دەيىن ارنايى اۆتوبۋستار ۇيىمداستىرىلادى (كەرى باعىتتا اكەتەتىن). اۆتوبۋستاردىڭ ءجۇرۋ ۋاقىتى – ساع 20:00-دەن 21:00-گە دەيىن; جەتكىزۋ ورنى – «استانا ارەنا» ستاديونى.
اۆتوبۋستار تومەندەگى اۆتوتۇراقتاردان جۇرەتىن بولادى:
– «قازاقستان» سك تۇراعى;
– «نۇر استانا» مەشىتى تۇراعى;
– «جاستار» سارايى» تۇراعى;
– «استانالىق تسيرك» تۇراعى.
ارنايى اۆتوبۋستاردىڭ ءجۇرۋ اقىسى – 90 تەڭگە, ءجۇرۋ بيلەتتەرى مەن جەڭىلدىگى بار بيلەتتەر جارامسىز. ويىن اياقتالعان سوڭ قالاعا № 10, 12, 28, 37, 40, 51, 53, 303 قوعامدىق كولىكتەرمەن جەتۋگە بولادى. ساعات 23:30-دان ستاديوننىڭ تۇراعى مەن «استانا ارەنا ستاديونى» ايالداماسىندا جانكۇيەرلەردى قابانباي باتىر داڭعىلى بويىنشا قالاعا اپاراتىن اۆتوبۋستار ۇيىمداستىرىلادى.