ەلباسى نۇرسۇلتان نازارباەۆتىڭ «رۋحاني جاڭعىرۋ» ماقالاسىنا وراي «تۋعان جەر» باعدارلاماسى اياسىندا اياگوز اۋدانىنىڭ ايعىز اۋىلىندا ءسانى مەن ساۋلەتى جاراسقان جاڭا مەشىت حالىق يگىلىگىنە پايدالانۋعا بەرىلدى.
قۇلشىلىق ورداسى اۋىل تۇرعىندارى مەن مەكتەپ تۇلەكتەرىنىڭ دەمەۋشىلىگىمەن سالىنعان. مەشىتتىڭ سالتاناتتى اشىلۋ شاراسىنا قر پارلامەنتى ءماجىلىسىنىڭ دەپۋتاتى نۇرتاي سابيليانوۆ, اياگوز اۋدانىنىڭ اكىمى باقىتجان باياحمەتوۆ, اۋداندىق مەشىت يمامى, دەمەۋشىلەر جانە اۋىل تۇرعىندارى قاتىستى. مەشىتتىڭ ىرگەتاسى مامىر ايىندا «اۋىلىم-التىن بەسىگىم» اتتى باستاماشىل توپتىڭ ۇيىمداستىرۋىمەن قالانعان ەدى. اۋىزبىرشىلىكتىڭ ارقاسىندا اۋىل تۇرعىندارى بىردەن جۇمىلىپ, قۇرىلىستى 5 اي ىشىندە سالىپ شىعىپتى. ءبىرى مالىن اكەلسە, ەندى ءبىرى شايىن دەمدەپ ۇلكەن كىشىسى بىردەي اتسالىسىپ, اسارلاتقان.
- بۇل ارينە, كوپشىلىكتىڭ قولداۋىمەن بىتكەن ءىس,-دەدى باستاماشى توپ مۇشەسى مۇحتار ەسقاليەۆ,-ال نەگىزگى ەڭبەكتى سىڭىرگەن وسى اۋىل ازاماتتارى, اۋىلدىڭ ستۋدەنت جاستارى. ءتىپتى مەكتەپ وقۋشىلارىنا دەيىن الا جازداي وسى جەردە تىنباي ەڭبەك ەتتى. مۇنىڭ بارىنە باس-كوز بولىپ, ۇيىمداستىرۋ جۇمىسىنا وتە جوعارى دەڭگەيدە باسشىلىق جاساعان وسى اۋىلدىڭ تۋماسى, الماتى قالاسىنىڭ تۇرعىنى ومىرسەرىك نۇركەباەۆ دەگەن باۋىرىمىز. سول سياقتى ەربول راحىمجان ۇلى راحىمجانوۆتى ايتا كەتكىم كەلەدى.
- مەشىتتىڭ ءىشى جاقسىلىققا تولى بولسىن. ەكى مىڭعا جۋىق تۇرعىنى بار ايعىز اۋىلىندا حح عاسىردىڭ 80-ءشى جىلدارىنان بەرى ەشبىر عيمارات تۇرعىزىلماعان ەدى. قۇرىلىستىڭ باستالۋى اۋىل ومىرىنە تىڭ سەرپىلىس, جاڭا لەپ اكەلگەندەي بولدى. جاڭا مەشىت ەلىمىزدەگى بىرلىك پەن كەلىسىمدى ساقتاۋعا, جاستاردى تاربيەلەۋگە ءوز ۇلەسىن قوساتىنىنا سەنىمدىمىن,-دەدى قر پارلامەنتى ءماجىلىسىنىڭ دەپۋتاتى نۇرتاي سابيليانوۆ,-بۇل يگى وسى اۋىلدىڭ حالقىنىڭ ۇيىمشىلدىعىن بەرەكە-بىرلىگىنىڭ بار ەكەنىن جانە ءبىر-ءبىرىن قولداي بىلەتىنىن كورسەتتى. ياعني, ەلىمىزدىڭ بولاشاعىنا قوسىپ جاتقان ۇلەستەرى ايرىقشا. وسىنداي يگى ىستەر ارقاشاندا جالعاسىن تابادى دەپ ويلايمىن.
ايتا كەتۋ كەرەك, ەكى جۇزدەي ادامعا ارنالعان جاڭا مەشىتتىڭ ءىشى زاماناۋي تالاپقا ساي سالىنعان. ەرلەر مەن ايەلدەر زالى, يمامعا ارنالعان بولمە, ءتىپتى جەكە قازاندىعى بار.
- ايعىز اۋىلىنداعى بۇل مەشىت حالىقتىڭ رۋحاني جاڭعىرۋىنا, رۋحاني وركەندەۋىنە ۇلەس قوسىپ, جاستاردى جاقسى باعىتتا تاربيەلەۋگە مۇمكىندىك بەرەتىن بولدى,-دەدى اياگوز اۋدانىنىڭ باس يمامى دۋمان ءنادىر ۇلى,-وسى مەشىت سالىنعان كەزدە ۇلكەن دەمەي, كىشى دەمەي بارلىعى بىردەي جۇگىرىپ, اۋىلدىڭ حالقى ءوز ىنتىماعىن, بىرلىگىن شىنىمەن دە پاش ەتتى. ەندى باسقا دا كەيبىر اۋىلدارىمىزدا وسىنداي ءبىر رۋحاني وردالاردىڭ اشىلۋىنا شىن جۇرەكتەن تىلەكتەسپىز.
- مەشىتتىڭ قۇرىلىس جۇمىستارىنا اۋىلدا ەشكىم دە قينالعان جوق. ستۋدەنت جاستار مەن مەكتەپ وقۋشىلارىن ەڭبەك سۇيگىشتىككە بەيىمدەلىپ, يماندىلىق باعىتتا تاربيەلەندى,-دەيدى اۋىل تۇرعىنى, ارداگەر ۇستاز قاديشا قابدولدينا,- مەشىتتىڭ اشىلۋى ءبىر اۋىلدىڭ, ءبىر اۋداننىڭ, ءيا ءبىر وبلىستىڭ عانا ەمەس, بۇكىل قازاق ەلىنىڭ تويى, قازاق ەلىنىڭ ماقتانىشى.
مەشىتتى سالۋعا حالىقتى جۇمىلدىرعان باستاماشىل توپ مۇشەلەرىنىڭ ايتۋىنشا, ساۋاپتى شارا اۋىل تۇرعىندارىن بىرلىككە جۇمىلدىرسا, جىراقتا جۇرگەن ازاماتتاردىڭ تۋعان جەرگە دەگەن ىستىق ىقىلاستارىنىڭ نىعايۋىنا سەبەپشى بولعان.
- تاۋەلسىزدىك العاننان كەيىن, ءدىنىمىز, ءتىلىمىز ءوزىمىزدىڭ ەركىمىزگە بەرىلگەننەن كەيىن, وسى جاستارعا ءتالىم-تاربيە بەرۋدە مەشىتىمىزدىڭ اتقارار ءرولى وتە ۇلكەن دەپ بىلەمىن. سوندىقتان بۇگىن اشىلىپ جاتقان مەشىتىمىزگە قۇتتى بولسىن ايتا وتىرى, ءىشى جاماعاتقا تولسىن اللا تاعالا تەك ەلىمىزگە جاقسىلىعىن بەرە بەرسىن دەپ تىلەگىم كەلەدى,-دەدى كاسىپكەر داۋلەت مامىربەكوۆ.
ايعىز اۋىلىن تۋعان جەرىم, التىن بەسىگىم دەپ قاستەرلەپ, كومەك قولىن سوزعان بارشا جاندارعا مادەنيەت ۇيىندە قۇرمەت كورسەتىلدى. ولارعا قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي ەرجان قاجى مالعاجى ۇلى مەن سەمەي ءوڭىرى بويىنشا وكىل يمام ماقسات قاجى التىباي اتىنان العىس حاتتار تابىستالدى. وسى جەردە باسقا دا قايىرىمدىلىق شارالار جاسالدى. اۋىلدىڭ ۆولەيبول كومانداسىنا دەمەۋشىلەر اتىنان سپورتتىق كوستيۋمدەر سىيعا تارتىلدى. شارا سوڭىندا اس بەرىلىپ, ءتۇرلى مادەني شارالار وتكىزىلدى.