گىر كوتەرۋدەن سوزاقتىق سپورتشى الەم چەمپيونى اتاندى

ال جاتتىقتىرۋشىسى مۇرات سەرىكباەۆ ارداگەرلەر اراسىنداعى جارىستا الەم چەمپيوناتىنىڭ كۇمىس جۇلدەسىن يەلەندى. وڭتۇستىك كورەيا استاناسى سەۋل قالاسىندا وتكەن جارىسقا الەمنىڭ 33 ەلىنەن 600-گە جۋىق سپورتشى قاتىستى.

ءدۇبىرلى جارىستا قوبىلاندى 73 كەلى سالماق دارەجەسىندە باق سىناپ, 32 كەلى گىر تاسىن ۇزىن تسيكلدى كوتەرۋدەن 62 رەت باعىندىردى. ال جاتتىقتىرۋشىسى م.سەرىكباەۆ 73 كەلى سالماق دارەجەسىندە 24 كەلىنى قوس سايىس بويىنشا 131 رەت كوتەرگەن. العاشقىدا قازاق كۇرەسىمەن اينالىسقان قوبىلاندى وسىدان ءۇش جىل بۇرىن گىر تاسىن كوتەرۋدىڭ قىر-سىرىن ۇيرەنە باستاپتى. وسى سپورتپەن اينالىسقان ءبىر جىلدىڭ ىشىندە جاسوسپىرىمدەر اراسىندا ەل چەمپيونى اتانىپ, لاتۆيادا وتكەن ەۆروپا چەمپيوناتىندا كۇمىس جۇلدەگە قول جەتكىزگەن. سونداي-اق, اقتوبە قالاسىندا جاسوسپىرىمدەر اراسىندا الەم چەمپيونى اتاندى. بيىل جاستار اراسىندا ەل بىرىنشىلىگىن ۇتىپ, ۇلتتىق قۇراماعا مۇشە بولدى.

ايتا كەتەلىك, جاستار, جاسوسپىرىمدەر اراسىنداعى الەم چەمپيونى سوزاق سپورتىنىڭ ءتول تۋماسى قوبىلاندى ورىنباساروۆ الماتى قالاسىنداعى قازاق تۋريزم جانە سپورت اكادەمياسىنىڭ 3-كۋرس ستۋدەنتى.

عالىمجان ەلشىباي, «ەگەمەن قازاقستان»