بۇگىن ۇكىمەت وتىرىسىندا قر پرەمەر-ءمينيسترى باقىتجان ساعىنتاەۆ ەكسپورتتىق ساياساتتى جەتىلدىرۋ بويىنشا بىرقاتار تاپسىرما بەردى.
اوك سالاسىندا ەكسپورتتىق ساياساتتى جەتىلدىرۋ شارالارى تۋرالى اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ باياندادى. 2017 جىلدىڭ قاڭتار–تامىز ايلارى ارالىعىندا اۋىل شارۋاشىلىعى ءونىمى مەن وڭدەۋ ونىمدەرىنىڭ ەكسپورتى $1,3 ملرد قۇرادى. جالپى, 2016 جىلدىڭ وسى كەزەڭىمەن سالىستىرعاندا اوك ونىمدەرى ەكسپورتىنىڭ 10,6 %-عا ($1,2 ملرد-تان $1,3 ملرد-قا دەيىن), سونىمەن قاتار اۋىل شارۋاشىلىعى قايتا وڭدەۋ ونىمدەرىنىڭ 9,9 %-عا ۇيعايعانى بايقالادى.
قايرات ايتۋعانوۆتىڭ ايتۋىنشا, جول كارتاسى اياسىندا قىتايمەن, تاياۋ شىعىس ەلدەرىمەن, سونداي-اق, ەۋروپا ەلدەرىمەن ۆەتەرينارلىق جانە فيتوسانيتارلىق تالاپتاردى بەكىتۋ جۇمىستارى جۇرگىزىلىپ جاتىر. 2017 جىلدىڭ 9 ايىندا اوك ونىمدەرىنىڭ قحر-عا ەكسپورتى 20%-عا ۇلعايتىلعان. يران تاراپىمەن قازاقستاننان يرانعا ءتىرى قوي, مۇزداتىلعان جانە سالقىنداتىلعان قوي ەتىن جەتكىزۋگە ۆەتەرينارلىق تالاپتار بەكىتىلدى.
بيىل ءباا-گە ىقم, ۇقم جانە ءۇي قۇسىنان الىنعان ەت پەن ەت ونىمدەرىن تالاپتارعا سايكەس ەكسپورتتاۋدىڭ ۆەتەرينارلىق سەرتيفيكاتىنىڭ فورماسى ەكىجاقتى نەگىزدە بەكىتىلدى.
«جالپى, اوك ونىمدەرىنىڭ ساۋد ارابياسىنا ەكسپورتتالۋ ۇلەسىنىڭ ارتقانىن ايتا كەتۋ كەرەك. ول وتكەن جىلدىڭ وسى كەزەڭىمەن سالىستىرعاندا 50 ەسەگە وسكەن. اوك ونىمدەرىنىڭ ەۋروپا ەلدەرىنە ەكسپورتتالۋ كولەمىنىڭ ارتقانىن دا ايتا كەتكەن ءجون. سونىڭ ىشىندە, ەۋروپا ەلدەرىنە مايلى داقىلدار (زىعىر, راپس, كۇنباعىس داندەرى), بيداي, بۇرشاق تۇقىمداس كەپتىرىلگەن كوكونىستەر ەكسپورتى ۇلعايتىلعان», — دەدى قايرات ايتۋعانوۆ.
بۇدان وزگە, اوك ونىمدەرىنىڭ وڭتۇستىك-شىعىس ازيا جانە تاياۋ شىعىس ەلدەرىنە ەكسپورتى ۇلعايتىلعان. سونداي-اق, ۆەتنامعا دا اوك ونىمدەرىنىڭ ەكسپورتى ارتقان. سينگاپۋرعا العاش رەت 240 توننا زىعىر ءدانى ەكسپورتتالدى. ايتا كەتكەن ءجون, بىلتىرعى كورسەتكىشپەن سالىستىرعاندا بيىل تۇركياعا ەكسپورت كولەمى ەكى ەسەگە وسكەن.
بۇدان وزگە, ەكسپورتتى دامىتۋ ءۇشىن «ازىق-ت ۇلىك كورپوراتسياسى» ۇك» اق سىرتقى نارىقتاردا بارلىق اۋىل شارۋاشىلىعى ونىمدەرىن ساتۋ بويىنشا ەكسپورتتىق ورتالىق رەتىندە قايتا قۇرىلدى. 2017 جىلدىڭ 20 قاراشاسىنداعى جاعداي بويىنشا كورپوراتسيا قحر, يران, وا ەلدەرى, ازەربايجان جانە بەلگيا ەلدەرىنە جالپى سوماسى $16 ملن-عا 84 مىڭ توننا كولەمىندە ءداندى جانە مايلى داقىلداردى ەكسپورتتاعان.
بارلىعى 2017 جىلدىڭ سوڭىنا دەيىن ازىق-ت ۇلىك كورپوراتسياسى ەكسپورتتىق باعىتتا 120 مىڭ توننا ءداندى-داقىلداردى, 2 مىڭ توننا كۇنباعىس مايىن جانە 2 مىڭ تونناعا دەيىن ەتتى جالپى سوماسى $31 ملن-عا وتكىزۋدى كوزدەپ وتىر.
قر ۇلتتىق ەكونوميكا ءمينيسترى ت. سۇلەيمەنوۆ, «اتامەكەن» ۇكپ باسقارما توراعاسى ا. مىرزاحمەتوۆ قابىلدانىپ جاتقان شارالار تۋرالى باياندامالارىمەن تانىستىردى, سونداي-اق, پرەمەر-ءمينيستردىڭ ورىنباسارى ە. دوساەۆ, پرەمەر-ءمينيستردىڭ ورىنباسارى, اۋىل شارۋاشىلىعى ءمينيسترى ا. مىرزاحمەتوۆ قوزعالعان ماسەلەلەر بويىنشا تۇسىنىكتەمە بەرىپ ءوتتى.
باقىتجان ساعىنتاەۆ ماسەلەنى قاراۋ قورىتىندىسى بويىنشا بەيىندى مينيسترلىكتەرگە ەكسپورتتىق ساياساتتى جەتىلدىرۋ, شيكىزاتتىق ەمەس ەكسپورتقا قولداۋ كورسەتۋ تەتىكتەرىن ازىرلەۋ بويىنشا بىرقاتار تاپسىرمالار بەردى. سونىمەن قاتار ۇلتتىق ەكونوميكا مينيسترلىگىنە قازاقستاندىق ونىمدەردى شەتەل نارىقتارىنا ەكسپورتتاۋ كەزىندە پايدا بولاتىن كەدەرگىلەر مەن شەكتەۋلەردى جويۋ بويىنشا جول كارتاسىن ازىرلەۋ تاپسىرىلدى.
بيوونىمدەر (ورگانيكالىق تازا ازىق-ت ۇلىك ونىمدەرى) ەكسپورتىنا جاعداي جاساۋدىڭ ماڭىزدىلىعىنا ەرەكشە كوڭىل ءبولىندى.