تاۋ-كەن مەتاللۋرگيا سالاسىنداعى كاسىپورىندار 2017 جىلدىڭ سوڭىنا قاراي قازاقستاندىق ۇلەس كولەمىن 66,98%-عا دەيىن ۇلعايتۋدى جوسپارلاپ وتىر.
قازاقستان رەسپۋبليكاسىنىڭ ەڭ ءىرى تاۋ-كەن مەتاللۋرگيالىق كومپانيالارىنىڭ ۇلەسى 2017 جىلدىڭ 9 ايى ىشىندە 64,02%-دى قۇرادى. وسى تۇستا «Kazakhmys Holding» جشس, Eurasian Resources Group, «KazZinc» جشس, KAZ Minerals توبى جانە «قازاقالتىن» تكمك» اق سىندى كومپانيالاردىڭ جيىنتىق كورسەتكىشى تۋرالى ايتىلىپ وتىر. اقشالاي ساناعاندا قازاقستاندىق جەتكىزۋشىلەردەن ساتىپ الىنعان تاۋارلار, جۇمىستار مەن قىزمەتتەردىڭ قۇنى 570 ملرد تەڭگەدەن استى. 2017 جىلدىڭ سوڭىنا قاراي جوعارىدا اتالعان كومپانيالاردىڭ بولجانعان جيىنتىق كورسەتكىشى 66,98%-دى نەمەسە 951,76 ملرد تەڭگە قۇراماق.
تاۋ-كەن مەتاللۋرگيا سالاسىنداعى جەرگىلىكتى كورسەتكىشىن ساپالى تۇردە ۇلعايتۋ ماسەلەسى 2017 جىلدىڭ 23 قاراشاسىندا استانادا وتەتىن «قازاقستاندىق ءونىم جاسايمىز» اتتى جىل سايىنعى فورۋمدا كوتەرىلمەك.
ءىس-شارا 7 جىل ىشىندە حالىقارالىق جانە وتاندىق جەتكىزۋشىلەرگە ارنالعان جالپى رەسپۋبليكالىق ديالوگ الاڭىنا اينالىپ ۇلگەردى. وتكەن جىلعى فورۋمدار وتاندىق وندىرىسپەن بايلانىستى ماسەلەلەردى جەتە ءتۇسىنىپ, دامىتۋ ءۇشىن جاعداي جاسادى. قالىپتاسقان داستۇرگە ساي ءىس-شارا اياسىندا جەرگىلىكتى ءوندىرىستىڭ جەتىستىكتەرى مەن مۇمكىندىكتەرىن اشىپ كورسەتۋگە ارنالعان قازاقستاندىق ءونىمدى شىعاراتىن كاسىپورىندار مەن جەتكىزۋشىلەردىڭ كورمەسى وتەدى.
فورۋمعا قاتىساتىن سپيكەرلەر:
باقىتجان ساعىنتاەۆ – قر پرەمەر-ءمينيسترى;
اليك ايدارباەۆ – قر ينۆەستيتسيالار جانە دامۋ جونىندەگى ءبىرىنشى ۆيتسە-ءمينيسترى;
نيكولاي رادوستوۆەتس – «تاۋ-كەن ءوندىرۋشى جانە تاۋ-كەن مەتاللۋرگيالىق كاسىپورىنداردىڭ رەسپۋبليكالىق قاۋىمداستىعى» زتب اتقارۋشى ديرەكتورى.
ەدۋارد وگاي - «قازاقمىس حولدينگ» جشس ديرەكتورلار كەڭەسىنىڭ توراعاسى
الديار قازتاەۆ – "ەۋرازيالىق توپ" جشس باقىلاۋشىلار كەڭەسىنىڭ توراعاسى
يگور رادوۆيچ – «KazZinc» جشس كوممەرتسيا جونىندەگى اتقارۋشى ديرەكتورى
كريس بروۋدي – KAZ Minerals توبى جابدىقتاۋ جونىندەگى ديرەكتورى
بالامير ماحانوۆ – «قازاقالتىن» تمك اق باس ديرەكتورى
«قازاقستاندىق ءونىم جاسايمىز» فورۋمىنىڭ الاڭىندا تاۋ-كەن مەتاللۋرگيا سالاسىنداعى 100-دەن اسا كومپانيا باس قوسادى دەپ جوسپارلانعان. فورۋم يمپورت الماستىرۋمەن بايلانىستى باستى قاجەتتىلىكتەردى بەلگىلەپ, وسى ارقىلى شاعىن جانە ورتا بيزنەستىڭ ارى قارايعى قىزمەت اياسىن انىقتايتىندىقتان, ءىس-شارانى وتكىزۋ قازاقستان رەسپۋبليكاسىنىڭ ەكونوميكاسىندا اسا ماڭىزدى ءرول وينايدى.