ءبىر توپ بىلىكتى دارىگەر تايپاق اۋىلىنا باردى

«اق حالاتتى ابزال جان» جەرلەستەر فورۋمىنا بۇرىن تايپاقتا دۇنيەگە كەلگەن جانە قىزمەت ەتكەن 32 بىلىكتى مامان قاتىسىپ وتىر. ولاردىڭ بەسەۋى كورشىلەس اتىراۋ وبلىسىنان كەلىپتى. دارىگەرلەرمەن بىرگە ورال قالاسىنان الىستاعى اۋىلعا جىلجىمالى فليۋروگرافيا جانە ماموگرافيا اۆتوكەشەندەرى دە جول تارتتى.

– شالعاي اۋىلداردا مەدي­تسي­­نالىق قىزمەت ساپاسى مەن قول­جەتىمدىلىگىن ارتتىرۋ ماق­ساتىندا وب­لىسىمىزدىڭ بىلىك­تى دارىگەرلەرى تاي­­پاق اۋىلىندا بولدى. ولار تۇرعىنداردىڭ حال-جاع­دايىن تەك­سەرىپ, كونسۋلتا­تسيا بەردى. اۋىل حالقى مامان دارىگەرلەردى ىز­دەپ قالاعا سابىل­ماي, ءوز اۋىلىن­دا ءجۇرىپ دەنساۋلىعىن تۇزەۋگە مۇم­­كىندىك الدى. مۇنداي شارا بو­لا­شاقتا باسقا اۋىلداردا دا جال­عاسىن تابادى, – دەدى وب­لىس­تىق دەنساۋلىق ساقتاۋ باس­قارما باس­شىسىنىڭ ەمدەۋ ءىسى بوي­ىن­شا ورىن­باسارى گۇلنار ءابدى­راحم­ا­نوۆا.

اقجايىق اۋدانىندا حالىققا 1 ورتالىق اۋداندىق اۋرۋحانا, 1 اۋىلدىق اۋرۋحانا, 11 دارىگەرلىك امبۋلاتوريا, 4 فەلدشەرلىك اكۋ­شەرلىك پۋنكت, 29 مەديتسينالىق پۋنكت قىزمەت كورسەتەدى. اقجايىق اۋ­داندىق ورتالىق اۋرۋحاناسى 1974 جىلى سالىنىپ, 2016 جىلى اۋ­داندىق اۋرۋحانا «جۇمىسپەن قام­تۋدىڭ جول كارتاسى-2020» باع­دارلاماسى اياسىندا كۇردەلى جون­دەۋدەن وتكەن. اۋرۋحانادا 120 كەرەۋەتتىك 2 ستاتسيونار: حيرۋر­گيا, تراۆماتولوگيا, گينەكولوگيا, ەمدەۋ, بالالار, پاتولوگيا, پەرزەن­تحانا, جۇقپالى اۋرۋلار بو­­لىم­دەرى, كارديولوگيالىق جانە نەۆ­رولوگيالىق وڭالتۋ قىزمەت كور­سەتەدى.

وبلىستىق دەنساۋلىق ساقتاۋ باسقارماسى حابارلاعانداي, 2018 جىلى ستاتسيوناردا مەيىربيكەلىك جانە پالياتيۆتىك كومەك كورسەتۋ جوس­پارلانۋدا. اۋداندىق اۋرۋحا­نا جوعارى مەديتسينالىق جاب­دىق­تارمەن قامتاماسىز ەتىلگەن. اۋ­دان بويىنشا 62 دارىگەردىڭ 17-ءسى, 294 ورتا بۋىن مەديتسينا قىز­مەت­كەرىنىڭ 155-ءسى ساناتقا يە. سو­نى­مەن قاتار 13 دارىگەر, 25 ورتا بۋ­ىن قىزمەتكەرى, 3 پسيحولوگ مامان بى­لىك­تىلىگىن ارتتىرۋ كۋرستارىنا قا­تىسىپ, ءبىلىمىن جەتىلدىرگەن.

قازبەك قۇتتىمۇرات, «ەگەمەن قازاقستان»

باتىس قازاقستان وبلىسى