پارلامەنت سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالدى, دەپ حابارلايدى سنەاتتىڭ ءباسپاسوز قىزمەتى.
زاڭ جوباسى قازاقستان رەسپۋبليكاسى قارۋلى كۇشتەرىنىڭ, اسكەري پروكۋراتۋرا, ۇلتتىق قاۋىپسىزدىك جانە ىشكى ىستەر ورگاندارىنىڭ اسكەري قىزمەتشىلەرىن تۇرعىن ۇيمەن قامتاماسىز ەتۋ تەتىكتەرىن نىسانالى تۇرعىن ءۇي تولەمدەرى ارقىلى جەتىلدىرۋ ماقساتىندا ازىرلەندى.
قۇجاتتا ارناۋلى مەملەكەتتىك ورگانداردىڭ قىزمەتكەرلەرى (ارناۋلى (اسكەري) وقۋ ورىندارىنىڭ كۋرسانتتارى مەن تىڭداۋشىلارىن قوسپاعاندا) مەن اسكەري قىزمەتشىلەردى (مەرزىمدى قىزمەتتەگى اسكەري قىزمەتشىلەردى, اسكەري وقۋ ورىندارىنىڭ كۋرسانتتارى مەن كادەتتەرىن, اسكەري جيىندارعا شاقىرىلعان اسكەري مىندەتتەگىلەردى قوسپاعاندا) تۇرعىن ۇيگە مۇقتاج دەپ تانۋعا قويىلاتىن تالاپتار ناقتىلانعان.
جابا ەرەجەلەرىندە تۇرعىن ءۇي تولەمدەرىن پايدالانۋ ماقساتتارى كورسەتىلگەن. اتاپ ايتقاندا, ولاردى تۇرعىنجايدى مەنشىككە الۋ; تۇرعىنجايدى جالعا الۋ اقىسىن تولەۋ, ونىڭ ىشىندە كەيىننەن ساتىپ الاتىن تۇرعىنجايدى جالعا الۋ اقىسىن تولەۋ; بۇرىن الىنعان يپوتەكالىق كرەديتتى (قارىزدى) وتەۋ; تۇرعىن ءۇي قۇرىلىسىنا ۇلەستىك قاتىسۋ كەزىندە, سونداي-اق تۇرعىن ءۇي جانە تۇرعىن ءۇي-قۇرىلىسى كووپەراتيۆىنە قاتىسۋ كەزىندە جارنالاردى تولەۋ; تۇرعىن ءۇي قۇرىلىسى جيناق اقشاسى تۇرىندەگى جيناقتاردى تولىقتىرۋ جانە تۇرعىن ءۇي جاعدايلارىن جاقسارتۋ ءۇشىن پايدالانۋعا بولادى. بۇل رەتتە اسكەري قىزمەتشىلەردىڭ تۇرعىن ءۇي تولەمدەرىن پايدالانۋ ارقىلى تۇرعىنجايدى مەنشىككە الۋ قۇقىعى ءبىر رەت جۇزەگە اسىرىلادى.
زاڭ جوباسىندا تۇرعىن ءۇي تولەمدەرىن توقتاتا تۇرۋ, قايتا باستاۋ جانە توقتاتۋ نەگىزدەرى, تۇرعىن ءۇي تولەمدەرىن الۋشىنىڭ قۇقىقتارى مەن مىندەتتەرى, قىزمەتتىك تۇرعىنجاي جەكەشەلەندىرۋگە جاتپايتىن جاعدايلاردا اقشالاي وتەماقى الۋ قۇقىعى بەكىتىلەدى.
قىزمەت وتكەرۋ كەزىندە قازا تاپقان (قايتىس بولعان) ارناۋلى مەملەكەتتىك ورگان قىزمەتكەرىنىڭ نەمەسە اسكەري قىزمەتشىنىڭ وتباسى مۇشەلەرىنىڭ تۇرعىن ءۇي تولەمدەرىن پايدالانۋعا نەمەسە ولاردى بىرجولعى اقشالاي وتەماقى تۇرىندە الۋعا قۇقىقتارى ايقىندالادى. شەتەلگە قىزمەت وتكەرۋ ءۇشىن جىبەرىلگەن ارناۋلى مەملەكەتتىك ورگاندار قىزمەتكەرلەرىنىڭ تۇرىپ جاتقان تۇرعىنجايلارىنىڭ جانە (نەمەسە) تاعايىندالعان تۇرعىن ءۇي تولەمدەرىنىڭ ساقتالۋىنا كەپىلدىكتەر قولدانىلادى.
سونداي-اق əسكەري قىزمەتتە بولۋدىڭ شەكتى جاسىنا تولۋىنا, دەنساۋلىق جاعدايىنا نە شتاتتاردىڭ قىسقارتىلۋىنا بايلانىستى əسكەري قىزمەتتەن شىعارىلعان كەزدە əسكەري قىزمەتشىلەرگە جۇمىستان شىعۋ جəردەماقىسىن تولەۋدىڭ نەگىزدەرى مەن مولشەرلەرى ناقتىلانادى.
زاڭ جوباسى پالاتانىڭ قاراۋىنا جىبەرىلدى.