ۇلتتىق تەننيس ورتالىعىندا 12 جاسقا دەيىنگى جاسوسپىرىمدەر اراسىندا ەل بىرىنشىلىگى باستالدى. جارىسقا ەلىمىزدىڭ بارلىق ايماقتارىنان كەلگەن 64 تەننيسشى قاتىسپاق. ءدۇبىرلى دودانىڭ اشىلۋىندا ءسوز سويلەگەن قازاقستان تەننيس فەدەراتسيسىنىڭ اتقارۋشى ديرەكتورى يۋري پولسكي جاسوسپىرىمدەر جارىسىنىڭ ماڭىزدىلىعىنا توقتالدى.
"جاسوسپىرىمدەر تەننيسىنە كوپ كوڭىل ءبولىپ ءجۇرمىز. جاقىندا 12 جاسقا دەيىنگى جاسوسپىرىمدەر اراسىندا كوماندالىق ازيا چەمپيوناتىن وتكىزدىك. بۇعان "بالام-پودروس" شوۋ-ءتۋرنيرىن قوسىڭىز. ەندى مىنە ەل بىرىنشىلىگىن ۇيىمداستىردىق. فەدەراتسيا تاراپىنان باسقا دا جارىستاردى وتكىزۋگە دايىنبىز. بارلىق قاتىسۋشىلارعا ساتتىلىك تىلەيمىن", دەدى يۋري پولسكي.
جاسوسپىرىمدەر اراسىنداعى ەل بىرىنشىلىگى 18 قاراشاعا دەيىن جالعاسادى.
ەركەبۇلان جومارت