اقش-تىڭ كاليفورنيا شتاتىندا مەكتەپ ماڭايىندا اتىس بولىپ 4 ادام قايتىس بولدى.
وقيعا سەيسەنبى كۇنى تاڭەرتەڭ تەحاما فەرماسىندا بولعان. بەيتانىس ءوز ءۇيىنىڭ ماڭىندا وق اتىپ, ارتىنشا مەكتەپ اۋماعىنا وتكەن. جەرگىلىكتى تۇرعىن ونى تانيتىندىعىن, جاسى ەلۋلەر شاماسىندا ەكەنىن ايتتى.
«سوڭعى ۋاقىتتاردا ول اتۋمەن اۋەستەنىپ, جاتتىعىپ ءجۇردى», دەدى جۋرناليستەرگە بەرگەن سۇحباتىندا. ول كورشىسىنىڭ بۇل ارەكەتى تۋرالى پوليتسەيلەرگە بارىپ ەسكەرتكەن, الايدا كۋالىك تۋرالى پوليتسيا تاراپىنان ازىرگە مالىمدەمە بەرىلگەن جوق.
بەلگىلى مالىمەتتەر بويىنشا, شابۋىلداۋشى دا قازا تاپقان. جەرگىلىكتى مەديا وكىلدەرىنىڭ حابارلاۋىنشا, كۇدىكتى جارتىلاي اۆتومات ۆينتوۆكا جانە ەكى تاپانشامەن قارۋلانعان.
اتىس بولعان فەرما ساكرامەنتو قالاسىنان 160 كم قاشىقتا ورنالاسقان. قاراشا ايىنىڭ باسىندا تەحاس شىركەۋىندەگى اتىستان 20-دان استام ادام قازا تاپقان بولاتىن.