2018 جىلى ەل حالقىن ءدارى-دارمەكپەن تەگىن قامتاماسىز ەتۋ ءۇشىن دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋ بويىنشا وتەتىن تەندەرلىك راسىمدەردىڭ اشىقتىعىن قامتاماسىز ەتۋ ماقساتىندا بىرىڭعاي ديستريبيۋتەر ءوزىنىڭ www.sk-pharmacy.kz/ سايتىندا نەگىزگى تەندەرلىك راسىمدەردىڭ ونلاين كورسەتىلىمىن ۇيىمداستىرادى. بۇل تۋرالى دەنساۋلىق ساقتاۋ مينيسترلىگىنىڭ ءباسپاسوز قىزمەتى حابارلادى.
بۇدان باسقا, ونلاين تارتىپتە تەندەرلىك وتىنىمدەرگە قوسىمشالارى بار كونۆەرتتەردى اشۋ ءراسىمى – 24 قاراشادا, تەندەرلىك راسىمدەردىڭ اقتىق كەزەڭى اۋكتسيونعا جىبەرىلگەن الەۋەتتى ءونىم بەرۋشىلەردىڭ باعانى تومەندەتۋ ءراسىمى – 4 جەلتوقساندا وتەدى.
بىرىڭعاي ءديستريبيۋتوردىڭ Facebook رەسمي اككاۋتىندا تەندەرلىك جانە ساراپتامالىق كوميسسيا وتىرىستارىنىڭ كۇن سايىنعى فوتوەسەبى جاريالانىپ وتىرادى. تۇراقتى تۇردە تەندەر وتكىزىلىپ جاتقان زالداعى جاعدايدىڭ بارلىعىنا ۆيدەو ءتۇسىرىلىم جاسالادى. ول بىرىڭعاي ديستريبيۋتوردىڭ مۇراعاتىندا ساقتالادى.
بىرىعاي ديستريبيۋتەردىڭ تەندەرلىك كوميسسيا جۇمىسىنا تەندەرلىك كوميسسيا قۇرامىنا ەنگەن قر دەنساۋلىق ساقتاۋ مينيسترلىگى جانە سالالىق قۇرىلىمدىق بولىمشەلەر وكىلدەرى, ونىڭ ىشىندە قر دەنساۋلىق ساقتاۋ مينيسترلىگى فارماتسيا كوميتەتىنىڭ ءتورايىمى ليۋدميلا بيۋرابەكوۆا, فارماتسيا كوميتەتىنىڭ, مەديتسينالىق كومەكتى ۇيىمداستىرۋ دەپارتامەنتىنىڭ, قوعامدىق دەنساۋلىق ساقتاۋ كوميتەتىنىڭ جانە مەديتسينالىق قىزمەتكە اقى تولەۋ كوميتەتىنىڭ وكىلدەرى قاتىسادى.
باقىلاۋشىلار رەتىندە وتىرىستارعا «دارىلىك زاتتاردى, مەديتسينالىق ماقساتتاعى بۇيىمداردى جانە مەديتسينالىق تەحنيكانى ساراپتاۋ ۇلتتىق ورتالىعى» باس ديرەكتورىنىڭ ءبىرىنشى ورىنباسارى ارنۋر نۋرتاەۆ, قر دەنساۋلىق ساقتاۋ مينيسترلىگىنىڭ قىزمەتكەرلەرى, الەۋمەتتىك مەديتسينالىق ساقتاندىرۋ قورىنىڭ, سونداي-اق, سالالىق قاۋىمداستىقتاردىڭ وكىلدەرى قاتىسادى.
«سك-فارماتسيا» جشس باسقارما توراعاسىنىڭ مىندەتىن اتقارۋشى اسەمگۇل ەرجانوۆانىڭ سوزىنشە, بىرىڭعاي ديستريبيۋتەر سايتىندا اعىمداعى تەندەرگە ارنالعان ارنايى ءبولىم بار. «ول جەردە ناقتى ۋاقىت تارتىبىندە تولىقتىرۋلاردى اشۋ راسىمدەرىن جانە اۋكتسيوندى باقىلاپ, تەندەرلىك كوميسسيانىڭ بارلىق وتىرىستارىن, وتكەن شارالاردىڭ بەينەجازبالارىن قاراۋعا بولادى», – دەپ تۇسىنىكتەمە بەرە كەتتى «سك-فارماتسيا» جشس باسقارما توراعاسىنىڭ مىندەتىن اتقارۋشى.
«بۇل شارالاردىڭ بارلىعى ءبىزدىڭ ساتىپ الۋ راسىمدەرىمىزدىڭ بارىنشا اشىقتىعىن قامتاماسىز ەتۋگە باعىتتالعان. قىزىعۋشىلىق تانىتقان بارلىق تاراپتار تەندەرلىك راسىمدەردى ونلاين تارتىپتە قاراپ, شەشىمدەردىڭ قالاي جانە نە سەبەپتى قابىلدانىپ جاتقاندىعىن قاداعالاپ, ولاردىڭ بەيتاراپتىلىعىنا جانە ادىلدىگىنە كوز جەتكىزە الادى», - دەپ ءوز ويىن جالعادى اسەمگۇل ەرجانوۆا.
2018 جىلعا ارنالعان ساتىپ الۋ بولىمىندە 2018 جىلعا ارنالعان دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋعا قاتىستى سۇراق قويىپ, كەز-كەلگەن ماسەلە بويىنشا ۇندەۋ قالدىرۋعا بولادى.
جۋىردا بىرىڭعاي ديستريبۋتسيا جۇيەسى بويىنشا دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋ بويىنشا تەندەرلىك راسىمدەردىڭ باستالعاندىعىن ەسكە سالا كەتەيىك. 3 قاراشادا 2018 جىلى قازاقستان حالقىن ءدارى-دارمەكپەن تەگىن قامتاماسىز ەتۋ ءۇشىن دارىلىك زاتتار مەن مەديتسينالىق ماقساتتاعى بۇيىمداردى ساتىپ الۋ بويىنشا تەندەرلىق راسىمدەرگە قاتىسقان فارماتسەۆتيكالىق كومپانيالار وتىنىمدەرىنىڭ كونۆەرتتەرىن اشۋ ءراسىمى وتكىزىلگەندىگىن ەسكە سالا كەتەيىك. ەندى 20 قاراشاعا دەيىن تەندەرلىك كوميسسيا وتىنىمدەرمەن تانىسىپ, ۇسىنىلعان قۇجاتتامالارعا ەسكەرتۋلەر جاسايدى, سودان كەيىن كومپانيالارعا ونى تۇزەتۋگە مۇمكىندىك بەرىلەدى. تەندەردە جالپى سوماسى 82,4 ملرد تەڭگەنىڭ 484 اتاۋى جاريالانعان.