نۇرسۇلتان نازارباەۆ قازاقستان مەن رەسەيدىڭ ءحىV وڭىرارالىق ىنتىماقتاستىعى فورۋمى اياسىندا رەسەي فەدەراتسياسىنىڭ پرەزيدەنتى ۆلاديمير پۋتينمەن كەزدەستى, دەپ حابارلايدى اقوردا.
مەملەكەتتەر باسشىلارى كەزدەسۋ بارىسىندا ەكىجاقتى ىنتىماقتاستىقتىڭ وزەكتى ماسەلەلەرىن تالقىلاپ, ونى ءارى قاراي دامىتۋدىڭ پەرسپەكتيۆالارىن قاراستىردى.
– ءبىزدىڭ وڭىرارالىق ىنتىماقتاستىعىمىز – قيىندىقتارعا قاراماستان ىلگەرىلەپ كەلە جاتقان ەكونوميكالىق ءوزارا ءىس-قيمىلىمىزدىڭ نەگىزى. سوڭعى 9 ايدا ەلدەرىمىز اراسىنداعى تاۋار اينالىمى 31 پايىزعا ءوستى. ءبىزدىڭ ءار كەزدەسۋىمىز – جاڭا بەلەس, وندا اۋقىمدى مىندەتتەر شەشىلەدى. بۇگىنگى كەزدەسۋىمىز دە مەملەكەتتەرىمىز اراسىنداعى ىنتىماقتاستىقتى ودان ءارى دامىتۋ ءۇشىن ماڭىزدى ءرول اتقارادى, – دەدى قازاقستان پرەزيدەنتى.