ورتالىق كوممۋنيكاتسيالار قىزمەتىنىڭ الاڭىندا وتكەن ءباسپاسوز ءماسليحاتىندا الماتى قالاسىنىڭ اكىمى باۋىرجان بايبەك قالانىڭ بيىلعى جىلعى نەگىزگى الەۋمەتتىك- ەكونوميكالىق كورسەتكىشتەرى جانە تاياۋ ارادا جۇزەگە اساتىن جوسپارلار تۋرالى ايتتى.
«جالپى قالانىڭ ەكونوميكالىق كورسەتكىشتەرى, اسىرەسە اعىمداعى جاھاندىق ەكونوميكالىق پروبلەمالاردى ەسكەرسەك, وتە جاقسى. بيىلعى جىلدىڭ ءبىرىنشى جارتىجىلدىعىندا شاھارىمىزدىڭ جالپى وڭىرلىك ءونىمى 4%-عا ارتىپ, 4,4 ترلن. تەڭگەنى قۇرادى» دەدى ب.بايبەك.
سونىمەن قاتار ول كەلەر جىلى الماتى دا جالپى قۋاتى 550 مىڭ توننا تۇرمىس قالدىقتارىن وڭدەيتىن جانە 60 مىڭ توننا شيكىزات شىعاراتىن ارنايى كەشەندى ىسكە قوسۋ جوسپارلانعانىن تىلگە تيەك ەتتى.