اقتوبە وبلىسىنىڭ اكىمى بەردىبەك ساپارباەۆ جانە قر ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ توراعاسى مەرەكە پىشەمباەۆ قۇرىلىس جۇمىستارىنىڭ باستالۋىنا رۇقسات بەردى.
شاراعا «قاز اۆتوجول ۇك»اق وكىلدەرى, سونىمەن قاتار «دونگسۋنگ» (كورەيا) كومپانياسىنىڭ, «توديني كونسترۋتسيوني دجەنەرالي س.پ.ا.» (يتاليا) اق, «سپيك اككورد» ء(ازىربايجان), «تاشياپي ينشاات» (تۇركيا), «انت ينشاات» (تۇركيا) سىندى مەردىگەرلىك ۇيىمداردىڭ باسشىلارى قاتىستى.
«مەملەكەت باسشىسىنىڭ تاپسىرماسىنا سايكەس,«نۇرلى جول» باعدارلاماسى اياسىندا ايماقتا ۇزىندىعى 500 شاقىرىم بولاتىن «اقتوبە-اتىراۋ» اۆتوجولىن قالپىنا كەلتىرۋ بويىنشا ءىرى جوبا جۇزەگە اسىرىلۋدا. جولدىڭ بۇل بولىگى سوڭعى رەت 50 جىل بۇرىن جوندەلگەن.اۆتوجولدىڭ قازىرگى جاعدايى وسى زامانعى جۇكتەمەلەرگە جانە كولىك قۇرالدارىنىڭ قارقىندىلىعىنا سايكەس كەلمەيدى. بۇل جول رەسەي فەدەراتسياسىنىڭ استراحان, ورتالىق ازيا جانە پارسى شىعاناعى ەلدەرىنە شىعاتىن اقتوبەدەن اتىراۋ مەن ماڭعىستاۋعا دەيىنگى باعىتتاردىڭ جولدارىن قوسىپ, قازاقستان, قىتاي, رەسەي جانە باتىس ەۋروپا اراسىنداعى مەن تاۋارلار ءترانزيتى مەن جولاۋشىلار لەگىنە, سونداي-اق وڭىردەگى ساۋدا مەن جەرگىلىكتى كاسىپكەرلىكتى دامىتۋعا مۇمكىندىك بەرەدى. جولدى قالپىنا كەلتىرۋ بارىسىندا شامامەن 2 مىڭ ادام جاڭا جۇمىس ورىندارىمەن قامتاماسىز ەتىلەدى, ولاردىڭ 90 پايىزى جەرگىلىكتى تۇرعىندار», - دەدى وبلىس اكىمى.
بۇگىندە جولدىڭ اتالعان بولىگىندەگى قوزعالىس قارقىندىلىعى تاۋلىگىنە 2 187 اۆتوكولىك بولسا, كەلەشەكتە بارلىق جوندەۋ جۇمىستارى اياقتالعاننان كەيىن تاۋلىكتىك قارقىندىلىعى 4 791 اۆتوموبيلگە جەتپەك.
قازاقستان ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ مالىمەتى بويىنشا «اقتوبە - اتىراۋ» جول بولىگىن قايتا قالپىنا كەلتىرۋگە ازيا دامۋ بانكى مەن يسلام دامۋ بانكى سياقتى حالىقارالىق قارجى ينستيتۋتتارىنىڭ قارىز قاراجاتتارى تارتىلاتىن بولادى.
قالپىنا كەلتىرىلۋى ءتيىس 455 شاقىرىم اقتوبە-اتىراۋ اۆتوجولىنىڭ 156 شاقىرىمدىق اقتوبە-قاندىاعاش بولىگى بويىنشا كونكۋرستىق راسىمدەر جۇرگىزىلىپ, 215,0 ملن اقش دوللارى كولەمىندە يسلام دامۋ بانكىمەن قارىز تۋرالى كەلىسىمگە قول قويىلۋدا, «قاندىاعاش-ماقات» جول بولىگى بويىنشا 240,3 ملن اقش دوللارى كولەمىندە ازيا دامۋ بانكىمەن قارىز كەلىسىمىنە قول قويىلىپ, راتيفيكاتسيالاندى, سونداي اق, ۇزىندىعى 299 شاقىرىم بولاتىن جەتى جول بولىگىنىڭ قۇرىلىس جۇمىستارىمەن اينالىساتىن مەردىگەرلىك ۇيىمدار انىقتالىپ, ولارمەن كەلىسىم-شارت جاسالدى.
جوبانى جۇزەگە اسىرۋعا يتاليا, ءازىربايجان, تۇركيادان وسى سالادا ۇلكەن تاجىريبەسى بار شەتەلدىك كومپانيالار تارتىلعان, جوبانىڭ ورىندالۋ بارىسىن «قازاۆتوجول ۇك» اق جوباسىن باسقارۋ جونىندەگى كەڭەسشىلەر مەن «دونگسۋنگ / جول ساپا» (كورەيا / قازاقستان) وكىلدەرى باقىلاماق. جوبانى 2020 جىلى اياقتاۋ جوسپارلانعان.