اقتاۋدا ماڭعىستاۋ وبلىسى اكىمىنىڭ جانىنداعى تاريحي-مادەني مۇرالاردى قورعاۋ جانە پايدالانۋ جونىندەگى عىلىمي-ادىستەمەلىك كەڭەسىنىڭ وتىرىسى ءوتتى. القالى جيىن ەلباسىنىڭ «رۋحاني جاڭعىرۋ» باعدارلاماسى اياسىندا ۇيىمداستىرىلىپ وتىر.
وبلىس اكىمى ەرالى توعجانوۆ توراعالىق ەتكەن جيىنعا استانا, الماتى قالاسىنان ارنايى كەلگەن سادۋاقاس اعىتاەۆ, دميتري ۆوياكين, زەينوللا ساماشەۆ, يسلام جەمەنەي, اقان وڭعار ۇلى سياقتى ارحەلوگ, تاريحشىلار قاتىستى.
كەڭەستىڭ ماقساتى – تاريحي-مادەني مۇرانى قورعاۋ جانە پايدالانۋ ماسەلەرىن شەشۋگە بەلسەندى ىقپال ەتۋ. تاريحي-مادەني مۇرانى قورعاۋ جانە پايدالانۋ ماسەلەلەرى بويىنشا عىلىمي-زەرتتەۋ جۇمىستارىنىڭ عىلىمي ماڭىزدى دەڭگەيىن كوتەرۋ. ارحەولوگيا مەن ەتنوگرافيا, تاريحي-مادەني ەسكەرتكىشتەردى زەرتتەۋدىڭ عىلىمي لوگيكالىق جۇيەسىن انىقتاۋ. ۇيىمداستىرۋشىلاردىڭ ايتۋىنشا كەڭەس 2007 جىلدان بەرى جىل سايىن ءداستۇرلى تۇردە وتكىزىلىپ كەلەدى. بۇگىنگى باسقوسۋدا وبلىس اۋماعىنداعى تاريحي-مادەني مۇرالاردى ساقتاۋ مەن قورعاۋ سالاسىنداعى اتقارىلعان جۇمىستاردىڭ ەسەبى تىڭدالىپ, ولاردىڭ ساقتالۋى بويىنشا الداعى مىندەتتەرىن ايقىندادى. سونىمەن قاتار, زەرتتەلگەن دۇنيەلەردى ناسيحاتتاۋدىڭ وزەكتى ماسەلەسى تالقىلاندى.
«قازرەستاۆراتسيا» رەسپۋبليكالىق مەملەكەتتىك كاسىپورىنىڭ مامانى سادۋاقاس اعىتاەۆ «عىلىمي-رەستاۆراتسيالاۋ جۇمىستارىنىڭ ساپاسىن جەتىلدىرۋ تۋرالى», قر ۇلتتىق مۋزەيىنىڭ «حالىق قازىناسى» عىلىمي زەرتتەۋ ينستيتۋتىنىڭ باسشىسى, تاريح عىلىمدارىنىڭ كانديداتى اقان وڭعار ۇلى ء«ۇستىرت پەن ماڭعىستاۋداعى ەجەلگى عيباداتحانالار مەن ورتاعاسىرلىق بەلدەۋلى كەرۋەن-سارايى: جاڭا زەرتتەۋلەر مەن ماسەلەلەر», «نۇر-مۇباراك» ەگيپەت يسلام مادەنيەتى ۋنيۆەرسيتەتى, ء«ابۋ-حانيفا» ورتالىعىنىڭ جەتەكشى عالىمى, فيلولوگيا عىلىمدارىنىڭ دوكتورى, پروفەسسور يسلام جەمەنەي «رۋحاني جاڭعىرۋ: تاريحي سانا» تاقىرىپتارىندا بايانداما وقىدى.
2007 جىلى ىرگەسى قالانعان كەڭەستىڭ قۇرامىنا تاريح جانە ارحەولوگيا, ەتنوگرافيا, ساۋلەت, قالا قۇرىلىس ماسەلەلەرىن بىلەتىن ءبىلىم مەن بىلىكتىلىككە يە عالىم, ساۋلەتشى, مادەنيەت جانە ونەر وكىلدەرى كىرەدى.
گۇلايىم شىنتەمىرقىزى, «ەگەمەن قازاقستان»