بۇل تۋرالى ورتالىق كوممۋنيكاتسيالار قىزمەتىندە دەنساۋلىق ساقتاۋ مينيسترلىگىنىڭ قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى ايجان ەسماعامبەتوۆا ايتتى.
ول 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىنىڭ باسىم باعىتتارىنىڭ ءبىرى – قوعامدىق دەنساۋلىق ساقتاۋ قىزمەتىن قۇرۋ ەكەنىن اتاپ ءوتتى. ونى قۇرۋدىڭ ماقساتى قوعامدىق دەنساۋلىق ساقتاۋ ماسەلەلەرى بويىنشا مۇددەلى تاراپتاردىڭ كۇش-جىگەرلەرىن بىرىكتىرۋ بولىپ تابىلادى. قوعامدىق دەنساۋلىق ساقتاۋ جۇيەسىنىڭ مىندەتى اۋرۋدىڭ الدىن الۋ جانە قوعامنىڭ دەنساۋلىعىنا مەملەكەت پەن حالىقتىڭ ورتاق جاۋاپكەرشىلىگىن ارتتىرۋ بولىپ تابىلادى.
«سوڭعى جىلدارى قازاقستاندا سوزىلمالى ينفەكتسيالىق ەمەس اۋرۋلاردى دياگنوستيكالاۋعا جانە ەمدەۋگە شىعىنداردىڭ وسكەنى بايقالادى. بۇل مەملەكەتتىڭ دەنساۋلىق ساقتاۋعا باعىتتالعان بارلىق شىعىندارىنىڭ 95-96 پايىزىن قۇرايدى, ال پروفيلاكتيكاعا 3 پايىز عانا جۇمسالادى. وسىعان بايلانىستى, كۇندەلىكتى ادەتتەردى قالىپتاستىرۋ ماقساتىندا ءار قازاقستاندىق ءۇشىن ءومىردىڭ ساپاسى مەن ۇزاق ءومىر ءسۇرۋدىڭ كەپىلى بولاتىن ءتيىمدى شارالار قابىلداۋ قاجەت. وسى شارالارعا قوعام كوبىرەك قاراجات جۇمساۋى كەرەك. سول كەزدە مەملەكەت پەن حالىق اۋرۋلاردى ەمدەۋگە از قاراجات جۇمسايتىن بولادى», دەپ اتاپ ءوتتى ا.ەسماعامبەتوۆا.
سونداي-اق 2016 جىلى ددسۇ ساراپشىلارىمەن بىرلەسىپ قوعامدىق دەنساۋلىق ساقتاۋدىڭ نەگىزگى قىزمەتىنىڭ ءوزىن ءوزى باعالاۋى جۇرگىزىلگەنىن حابارلادى. زەرتتەۋدىڭ ناتيجەلەرى كۇشتى جانە ءالسىز تاراپتاردى ايقىندادى. تولىق زاڭنامالىق جانە نورماتيۆتىك بازانىڭ بولۋى, «دەنساۋلىق» مەملەكەتتىك باعدارلاماسىنىڭ ىسكە اسىرىلۋى, مەملەكەتتىك قارجىلاندىرۋ جانە پروفيلاكتيكالىق ءىس-شارالاردىڭ ىسكە اسىرىلۋى قوعامدىق دەنساۋلىق ساقتاۋ ماسەلەلەرىندە جەتىستىكتەرگە جەتۋگە مۇمكىندىك بەرگەنىن مالىمدەدى.
«جۇرگىزىلگەن باعالاۋدىڭ ناتيجەلەرىن, سونداي-اق قوعامدىق دەنساۋلىق ساقتاۋ ماسەلەلەرى بويىنشا مۇددەلى تاراپتاردىڭ كۇش-جىگەرلەرىن بىرىكتىرۋ قاجەتتىلىگىن ەسكەرە وتىرىپ, وسى جىلى قوعامدىق دەنساۋلىق ساقتاۋ قىزمەتى قۇرىلدى. دەنساۋلىق ساقتاۋ مينيسترلىگىنىڭ جانە بارلىق وڭىرلەردىڭ دەنساۋلىق ساقتاۋ باسقارمالارىنىڭ قۇرىلىمدىق بولىمشەلەرى قۇرىلدى. قىزمەتتىڭ جۇمىسى سابيلەردى ۆاكتسيناتسيالاۋ مەن مەكتەپ مەديتسيناسىنان, ساۋ مىنەز-ق ۇلىقتان, ەكولوگيالىق قاۋىپسىزدىكتەن, جاستار مەن ەرەسەكتەر اراسىندا ەڭبەك گيگيەناسىنان باستاپ تاماقتانۋدى وڭتايلاندىرۋ مەن قارت ادامداردا سوزىلمالى دەگەنەراتيۆتى اۋرۋلاردىڭ الدىن الۋعا دەيىنگى ءومىردىڭ بارلىق كەزەڭىنە باعىتتالعان. مۇنىڭ بارلىعى قازاقستاندىقتاردىڭ ءومىر ءسۇرۋ ۇزاقتىعىن ۇلعايتۋ جانە تۇرمىس ساپاسىن جاقسارتۋ بويىنشا ەلباسىنىڭ قويعان مىندەتتەرىن ورىنداۋعا باعىتتالعان», دەدى ول.
راۋان قايدار, «ەگەمەن قازاقستان»